II Sam 24:17 - Sơ̆p Hlabơar Nơ̆r 'Bok Kei-Dei

¹⁷ Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”

II Sam 24:17 ပူးပေါင်းရင်းမြစ်များ

Bl 18:23

Abraham năm jê̆ na khan thoi âu: “Kră Yang wă pơlôch đĭ lu bơngai 'lơ̆ng hơdai hăm lu bơngai kơnê̆ aah?

Bl 44:33

Yua kơ thoi ei, na apinh lê̆ inh pơm đĭch ih tơplih kơ bơngai 'lơ̆p âu, wă kơ sư brŏk kiơ̆ lu 'nhŏng sư.

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

II Sam 7:8

Thoi noh dang ei, ih athei roi kơ Đawit, đĭch đam Inh Kră Yang Tih Hloh đei khan thoi âu: “Inh boih đei krao ih đơ̆ng tơmăn 'nhĕt anih ih oei wei triu, pôk ih jing bơngai pơgơ̆r kon pơlei Inh.

I Pot 22:17

Mikai khan: “Inh 'bôh đĭ-đăng bơngai Isơrael tơklah tơklang jơ̆p kơ kông kŏ thoi triu ưh kơ đei bơngai wei; păng Kră Yang khan: ‘Lu sư ưh kơ đei tơ'ngla, rim 'nu kơ lu sư athei brŏk tơ hnam kơdih hăm tơdrong hiôk-hian.’ ”

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Jop 7:20

Ơ Kră Yang mă wei-lăng kon bơngai, tơdah inh đei pơm yoch, inh hăm pơm kiơ kơ Ih? Liơ Ih pơjing inh pơm tơmam Ih prah pơđam? Liơ inh tă jing bơngai pơhiơ̆k Ih?

Horiso 32:5

Inh tơbral yoch hăm Kră Yang 'Bok Kei-Dei, Ưh pă đei ôn dôm yoch kơnê̆ inh. Inh khan: “Inh tơbral roi đĭ dôm tơdrong yoch glăi inh kơ Kră Yang. Ih huay pă jô̆ yoch inh.” Sêla

Horiso 44:11

Ih jao lu nhôn nhen thoi triu wă pơm 'nhĕm, Păng pơm ăn kơ lu nhôn tơklah tơklang tơ jơ̆p-jang dêh char.

Horiso 74:1

Kră Yang 'Bok Kei-Dei, yua kơ kiơ Ih achăng lê̆ nhôn ling-lang? Liơ Ih hil kơ lu triu lăm tơmăn 'nhĕt hơdrih Ih?

Horiso 78:71

Sư rôp iŏk Đawit đơ̆ng oei wei-lăng triu. Wă kơ Đawit jing bơngai wei-lăng adrĕch Jakôp, kon pơlei pơla Sư. Pơm pơtao Isơrael, kon pơlei pơla sư.

Le 10:16

Thoi noh Pharaôn hăt hot krao Môis păng Arôn na khan: Inh pơm yoch hăm Kră Yang 'Bok Kei-Dei lu iĕm păng hăm măr iĕm hai.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Jôna 1:12

Jôna khan: Lu iĕm rôp klơ̆m lê̆ inh bĕ! Klơ̆m lê̆ tơ lăm đak dơsĭ, lei đak dơsĭ huay pă tơdrŏ. Inh băt boih yua kơ đơ̆ng inh na đei kial hơbŭt tih thoi âu:

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?