II Sam 24:15 - Sơ̆p Hlabơar Nơ̆r 'Bok Kei-Dei

¹⁵ Na Kră Yang ăn tơdrong jĭ hơbuh jur tơ kon pơlei Isơrael đơ̆ng pơgê năr noh truh tơ tôch jơ Sư pơkă. Đơ̆ng Đan truh tơ Bêrsêba, đei tơpơh-jĭt rơbâu 'nu bơngai lôch.

II Sam 24:15 ပူးပေါင်းရင်းမြစ်များ

II Sam 24:2

Pơtao athei Jôap, yŏng pơgơ̆r linh, oei hơdai hăm pơtao: “Athei năm jô̆ bơngai jơ̆p kơ lu adrĕch adrung Isơrael, iŏk đơ̆ng pơlei Đan gah yă-nơ̆m truh tơ Bêrsêba tơ gah gơal, roi ăn kơ inh băt đĭ-đăng kon pơlei lăm lu sơnăm oei gơh pơm linh dôm yơ.”

I Ho 21:14

Na Kră Yang ăn tơdrong jĭ lôch hơbuh truh tơ lu bơngai Isơrael; đei tơpơh-jĭt rơbâu 'nu drŏ-nglo Isơrael lôch.

I Ho 27:24

Jôap kon drŏ-nglo Sêruia pơtơm jô̆ kon pơlei, mă-lei ưh kơ keh đang. Yua kơ tơdrong noh, na Kră Yang 'Bok Kei-Dei hil mĭl truh kơ Isơrael păng lu kon pơlei mă ưh tam jô̆ 'noh ưh kơ đei chih tơmơ̆t lăm Sơ̆p hla bơar tơdrong hơ'mon pơtao Đawit.

I Ho 27:4

Yŏng pơgơ̆r khŭl linh khei 'bar noh Đôđai, bơngai Ahôhi; Miklôt pơm yŏng pơgơ̆r lăm khŭl sư; đei 'bar-jĭt puăn-rơbâu 'nu bơngai.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!

Jo 25:9

Na, wă đei 'bar-jĭt puăn-rơbâu 'nu bơngai lôch yua kơ tơdrong pơrăm truh âu.

Mathiơ 24:7

Đei dêh âu iung blah dêh to, dêh to iung blah dêh nai. Đei teh adrŏ păng tơdrong pơngot rơwĕt lơ tơring âu tơring to.

Tơdrông Tơ'bôh 6:8

Na inh 'bôh minh pôm aseh hiang hơlơp ưh kơ đei jơhngơ̆m. Bơngai mă hao aseh ei đe anăn sư yŏng pơgơ̆r gah tơdrong lôch. Đei minh 'nu nai kiơ̆ đơ̆ng rŏng sư, sư bơngai pơgơ̆r dêh atâu. Bre sư, 'Bok Kei-Dei ăn pơgơ̆r pơm yŏng đe năm tơblah chĕp khêl đao chă pơlôch đe păng pơm kơ kon bơngai lôch kơ pơngot rơwĕt, lôch kơ jĭ jăn păn hnong, lôch kơ sem bri pơlôch. 'Bok Kei-Dei ăn kơ bre sư gơh pơm tơdrong noh truh kơ minh pah lăm puăn pah teh đak.

I Sam 6:19

Kră Yang phak kon pơlei Bêt Sêmes yua kơ lu sư pơih lăng tơ lăm Hom Pơgơ̆p Kră Yang. Sư pơlôch tơpơh-jĭt 'nu lăm lu sư. Kon pơlei nhơ̆m hmoi yua kơ Kră Yang phak lu sư tih tơpă.