II Sam 24:12 - Sơ̆p Hlabơar Nơ̆r 'Bok Kei-Dei

¹² “Ih athei năm khan kơ Đawit: ‘Kră Yang khan thoi âu: Inh đei pêng tơdrong wă hơmet ih. Inh ăn kơ ih rơih iŏk minh lăm pêng tơdrong noh, Inh gô kiơ̆ kơ noh na hơmet ih.’ ”

II Sam 24:12 ပူးပေါင်းရင်းမြစ်များ

II Sam 12:14

Mă-lei yua kơ tơdrong ih pơjăm ưh kơ lăng boih Kră Yang lăm tơdrong 'nâu, na kon drŏ-nglo mă akăn ih 'nao tơpŭ kơ ih noh gô lôch.”

II Sam 24:11

Pơgê năr đơ̆ng rŏng adrol kơ pơtao Đawit hơđơ̆r, Kră Yang khan kơ Gat bơngai khan lê̆ adrol, sư bơ̆jang lăm hnam pơtao Đawit:

II Sam 24:13

Gat bơngai khan lê̆ adrol năm roi ăn kơ pơtao Đawit. Bơngai khan lê̆ adrol apinh pơtao: “Pơtao rơih iŏk tơdrong ayơ: Tơpơh sơnăm pơngot rơwĕt jơ̆p-jang kơ lăm teh đak pơtao, dah pêng khei pơtao athei kơdâu ôn lăm kơplah ayăt oei druh pơtao, dah pêng năr đei tơdrong jĭ hơbuh tơ jơ̆p-jang teh đak? Dang ei apinh ih athei tơchĕng lăng mă hơlen, wă kơ inh gơh roi ăn kơ Kră Yang Tơ'ngla wơh inh noh thoi yơ.”

I Ho 27:24

Jôap kon drŏ-nglo Sêruia pơtơm jô̆ kon pơlei, mă-lei ưh kơ keh đang. Yua kơ tơdrong noh, na Kră Yang 'Bok Kei-Dei hil mĭl truh kơ Isơrael păng lu kon pơlei mă ưh tam jô̆ 'noh ưh kơ đei chih tơmơ̆t lăm Sơ̆p hla bơar tơdrong hơ'mon pơtao Đawit.

Tơdrông Pơđơk 3:12

Yua kơ Kră Yang teh bơtho bơngai bu mă Sư 'mêm, Thoi 'bă teh bơtho kon sư 'mêm.

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Lêwi 26:41

Thoi noh Inh kư̆m pơm plơ̆ kơ lu sư, ba lu sư tơ dêh char lu bơngai ayăt kơ lu sư, tơdah jơhngơ̆m lu sư ưh kơ chu kăt tơdra akar, băt chu tơjur akâu lu sư kơdih tơ ala păng chu iŏk tơdrong bơtho pơjĭ yua tơdrong yoch lu sư.

Lêwi 26:43

Yua kơ char lu sư hlôi achăng lê̆ bri juơ, gô đei dôm sơnăm Sa'bat, kiơ̆ kơ lu sư đei achăng lê̆ dôm yơ noh; lu sư gô chu iŏk tơdrong bơtho pơjĭ yua kơ tơdrong yoch lu sư kơdih, yua kơ lu sư sơngah ưh kơ kiơ̆ nơ̆r Inh tơtă păng areh kơ tơdrong juăt Inh.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.