II Sam 23:20 - Sơ̆p Hlabơar Nơ̆r 'Bok Kei-Dei

²⁰ Bênaia, kon Jêhôiada, đơ̆ng pơlei Kapsêl, minh 'nu bơngai nuih kơtang, đei lơ jơnei tih, sư boih pơlôch 'bar 'nu kon drŏ-nglo Ariêl, bơngai Môap sư boih kư̆m jur tơ lăm sơlŭng pơlôch minh pôm dăm-brang lăm minh năr prĕl jur.

II Sam 23:20 ပူးပေါင်းရင်းမြစ်များ

II Sam 1:23

Ôi pơtao Sôl hăm Jônathan trŏ kơ 'mêm gĭt tơpă! Mă oei arih truh tơ lôch kư̆m ưh kơ đei achăng băl: Măr sư hơbĕch hloh kơ Klang pran hloh kơ Dăm-brang!

II Sam 20:23

Jôap pơgơ̆r đĭ-đăng lu linh Isơrael; Bênaia kon drŏ-nglo Jêhôiada pơm yŏng lu bơngai Kêrêthit păng Pêlêthit;

II Sam 23:19

Sư đei anăn pơyom hloh lăm khŭl pêng-jĭt 'nu, păng pơgơ̆r lu sư, mă-lei ưh kơ gơh jô̆ mơ̆t lăm pêng 'nu bơngai noh.

II Sam 23:21

Sư boih kư̆m pơlôch minh 'nu bơngai Êyiptơ tih kơjung. Bơngai Êyiptơ chĕp tơju kơplah noh Bênaia lăp đei 'long jra, sư rôp hơđuh iŏk tơju đơ̆ng ti bơngai Êyiptơ păng iŏk tơju bơngai noh na pơlôch bơngai noh.

II Sam 23:22

Bênaia, kon Jêhôiada, đei lơ jơnei tih noh na sư đei anăn lăm khŭl pêng 'nu bơngai nuih kơtang.

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

I Pot 1:26

Mă-lei sư ưh kơ krao wơ̆n inh đam ih, dah 'bok soi Sadok, Bênaia kon drŏ-nglo Jêhôiada, păng Sôlômôn đam ih ôh.

I Pot 1:38

Thoi noh 'bok soi Sadok, Nathan bơngai khan lê̆ adrol, Bênaia kon drŏ-nglo Jêhôiada păng lu bơngai Kêrêthit, lu bơngai Phêlêthit jur năm hiŏng atŏk Sôlômôn tơ kơpal kơdŭ aseh dăm pơtao Đawit, klaih kơ noh năm ba sư tơ pơlei Gihôn.

I Pot 1:8

Mă-lei 'bok soi Sadôk, Bênaia kon drŏ-nglo Jêhôiada, Nathan bơngai khan lê̆ adrol, Simei, Rei păng lu linh Đawit mă nuih kơtang ưh kơ kiơ̆ ôh Adonija.

I Pot 2:46

Thoi noh 'bok pơtao athei Bênaia kon drŏ-nglo Jêhôiada năm pơlôch Simei; na Bênaia lĕch năm koh pơlôch hloi Simei. Dêh char pơtao oei kơjăp lăm tơpang ti Sôlômôn.

I Ho 12:8

Lăm adrĕch adrung Gat đei lu bơngai năm kiơ̆ Đawit tơ anih kơjăp lăm tơmăn glă; lu sư bơngai nuih pran kơtang, gơh hơgei tơblah, chĕp khêl chĕp tơju. Muh măt lu sư nhen dăm-brang, hơbĕch hơbal nhen thoi juei kơpal kông.

I Ho 18:17

Bênaia kon drŏ-nglo Jêhôiada pơgơ̆r lu bơngai Kêrêthit hăm lu Pêlithit; lu kon drŏ-nglo Đawit jing yŏng pơgơ̆r lăm tơdrong jang pơtao.

Le 15:15

Lu kră pơgơ̆r Eđôm hli tơrơ rŭng răng dêh. Dôm lu kră pơgơ̆r char Môap dai hli tơtơ̆; Đĭ-đăng kon pơlei lăm char Kanaan jơhngơ̆m rŭng răng đĭ.

Jôsuê 15:21

Đĭ-đăng lu pơlei adrĕch Juđa lăm tơring gah gơal, gah bơmơ̆t kơ char Eđôm đei: Pơlei Kapsêel, Êder, Jagur,