II Sam 23:19 - Sơ̆p Hlabơar Nơ̆r 'Bok Kei-Dei

¹⁹ Sư đei anăn pơyom hloh lăm khŭl pêng-jĭt 'nu, păng pơgơ̆r lu sư, mă-lei ưh kơ gơh jô̆ mơ̆t lăm pêng 'nu bơngai noh.

II Sam 23:19 ပူးပေါင်းရင်းမြစ်များ

II Sam 23:13

Pêng 'nu bơngai lăm khŭl pêng-jĭt 'nu bơngai nuih kơtang, lu sư năm jur tơ hơgơp tơmo Ađulam lăm bơyan yuă 'ba wă tơ'bơ̆p pơtao Đawit. Minh khŭl linh Philistin pơm kơđông dơ̆ng tơ lăm thŭng Rêphaim.

II Sam 23:16

Na pêng 'nu bơngai nuih kơtang năm mơ̆t tơ lăm kơđông linh Philistin, sŏ iŏk đak đơ̆ng sơlŭng jê̆ 'măng jang pơlei Betlehem, chĕp ba ăn kơ Đawit. Mă-lei pơtao sơngah ưh kơ nhă. Pơtao tuh hŭt lê̆ păng pơyơ̆r ăn kơ Kră Yang.

II Sam 23:18

Abisai 'nhŏng Jôap kon Sêruia, pơm yŏng lu bơngai nuih kơtang sư hiŏng tơju 'bet pơlôch pêng-hrĕng 'nu bơngai, na đei anăn lăm pêng 'nu bơngai nuih kơtang.

II Sam 23:20

Bênaia, kon Jêhôiada, đơ̆ng pơlei Kapsêl, minh 'nu bơngai nuih kơtang, đei lơ jơnei tih, sư boih pơlôch 'bar 'nu kon drŏ-nglo Ariêl, bơngai Môap sư boih kư̆m jur tơ lăm sơlŭng pơlôch minh pôm dăm-brang lăm minh năr prĕl jur.

II Sam 23:9

Lăm pêng 'nu bơngai nuih kơtang đei Êlêasar kon Đôđô, bơngai Ahôhi. Sư kiơ̆ pơtao Đawit kơplah lu sư tơdơ̆ng băl hăm kon pơlei Philistin akŭm băl tơ noh wă tơblah. Linh Isơrael kơdŭn tơ rŏng.

I Ho 11:25

Lăm pêng-jĭt 'nu bơngai nuih kơtang, sư đe kư̆m ư-ang hloh, mă-lei ưh kơ gơh jô̆ mơ̆t lăm pêng 'nu noh. Đawit iŏk sư mơ̆t pơgơ̆r wei-lăng linh mă wei sư.

Mathiơ 13:23

Gah lu bơngai mă thoi lĕ kơ găr 'ba huŏng 'bơ̆t teh 'lơ̆ng, lu bơngai noh boih kơtơ̆ng tơdrong 'Bok Kei-Dei păng hlôh wao, kiơ̆ hloi kơjăp, na đei plei tơpă, mơ'nah minh-hrĕng, mơ'nah tơdrâu-jĭt, mơ'nah pêng-jĭt.”

Mathiơ 13:8

Kư̆m đei mơ'nah huŏng tơ teh 'lơ̆ng, na đei hloi plei trem mơ'nah minh-hrĕng, mơ'nah tơdrâu-jĭt, mơ'nah pêng-jĭt.

I Kor 15:41

Măt 'năr sư 'lơ̆ng rŏ, măt khei kư̆m 'lơ̆ng rŏ mơ̆n, mă lu sơnglŏng kư̆m 'lơ̆ng rŏ mơ̆n, mă tơdrong 'lơ̆ng rŏ sư phara. Sơnglŏng 'noh 'lơ̆ng rŏ thoi noh, sơnglŏng to 'lơ̆ng rŏ thoi to.