II Sam 23:16 - Sơ̆p Hlabơar Nơ̆r 'Bok Kei-Dei

¹⁶ Na pêng 'nu bơngai nuih kơtang năm mơ̆t tơ lăm kơđông linh Philistin, sŏ iŏk đak đơ̆ng sơlŭng jê̆ 'măng jang pơlei Betlehem, chĕp ba ăn kơ Đawit. Mă-lei pơtao sơngah ưh kơ nhă. Pơtao tuh hŭt lê̆ păng pơyơ̆r ăn kơ Kră Yang.

II Sam 23:16 ပူးပေါင်းရင်းမြစ်များ

Bl 35:14

Jakôp pơdơ̆ng hloi minh pôm jrăng tơmo tơ anih mă Kră Yang 'Bok Kei-Dei đei pơma dơnuh hăm sư tuh pơyơ̆r sik păng đak rơmă kơpal noh.

II Sam 23:9

Lăm pêng 'nu bơngai nuih kơtang đei Êlêasar kon Đôđô, bơngai Ahôhi. Sư kiơ̆ pơtao Đawit kơplah lu sư tơdơ̆ng băl hăm kon pơlei Philistin akŭm băl tơ noh wă tơblah. Linh Isơrael kơdŭn tơ rŏng.

I Ho 11:18

Na pêng 'nu bơngai 'nâu năm mơ̆t tơpăt kơđông linh Philistin sŏ iŏk đak đơ̆ng lăm sơlŭng jê̆ 'măng jang pơlei Betlehem, chĕp ba ăn kơ Đawit nhă mă-lei sư ưh kơ wă nhă, sư tuh hloi đak 'noh 'bơ̆t anăp Kră Yang,

Bôk Bơthô 4:12

Minh drô̆, 'bônh kơ jei đe, mă-lei dah đei 'bar 'nu pơpôi jơhngơ̆m bu kĕ pơm kơ bre sư; minh dăng tơlei kŭi pêng 'yoi sư hơnat kơ kơtĕch.

Nhom 2:19

Iung ôr krao bĕ kơmăng, thoi đe pơtơm gak kơmăng. Tuh bĕ jơhngơ̆m iĕm thoi đak 'bơ̆t anăp Kră Yang. Yơ̆r bĕ ti gah Kră Yang yua kơ tơdrong arih lu kon hơ'lơ̆p iĕm, lu sư lôch hơngơ̆t yua kơ pơngot tơ mum kơ̆l trong tih.

Jo 28:7

Tơmam soi huch noh minh lăm puăn hin tơdrô tơ rim minh pôm kon triu. Ih athei pơyơ̆r tơmam huch păng tơdrô ăn kơ Kră Yang lăm anih rơgoh.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Rom 5:7

Mă-lei dah kon bơngai bơ̆n, bơ̆n băt kơ buăl bơ̆n ưh kơ đei pơm yoch kiơ ră, mă-lei đe wă phak pơlôch sư, bơ̆n hui bơngai tơpă wă lôch tang buăl bơ̆n.

II Kor 5:14

Nhôn băt kơ Yêsu Krist 'mêm kơ bơ̆n tơpă, na nhôn ưh kơ lăng tơdrong kon bơngai ôh. Nhôn băt kơ pôm Sư đĕch lôch tang đĭ-đăng kon bơngai tơpă, thoi noh na đĭ-đăng kơ bơ̆n kư̆m dang lôch thoi Sư.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.

I Sam 19:5

Sư hŭt akâu kơdih na mă pơlôch bơngai Philistin, yua kơ sư na Kră Yang đei ăn kơ bơngai Isơrael tơblah jei ngăl. Ih 'bôh boih păng chơt hiôk; lei na khan wă pơlôch pơrăm bơngai ưh kơ pơm yoch wă pơlôch Đawit tơdrong ưh kơđei?

I Sam 7:6

Lu sư akŭm đĭ tơ Mispa, chhŏ đak păng tuh đak noh 'bơ̆t anăp Kră Yang. Lăm năr noh lu sư ơ̆t kơ sŏng sa păng tơbral: Lu nhôn đei pơm yoch hăm Kră Yang. Samuel pơgơ̆r păng pơm 'bok sek tơlang kơ bơngai Isơrael.