II Sam 23:15 - Sơ̆p Hlabơar Nơ̆r 'Bok Kei-Dei

¹⁵ Pơtao 'blŏk tơ hnam păng khan: “Rŏ kơ đei bơngai bu ăn kơ inh nhă đak sŏ iŏk đơ̆ng 'bơ̆t 'măng jang pơlei Betlehem!

II Sam 23:15 ပူးပေါင်းရင်းမြစ်များ

Bl 35:19

Đơ̆ng noh Rachel sư lôch, na 'bŭ 'bơ̆t cheng trong brŏk tơ Êphrat. Êphrat wă khan Betlehem.

II Sam 23:16

Na pêng 'nu bơngai nuih kơtang năm mơ̆t tơ lăm kơđông linh Philistin, sŏ iŏk đak đơ̆ng sơlŭng jê̆ 'măng jang pơlei Betlehem, chĕp ba ăn kơ Đawit. Mă-lei pơtao sơngah ưh kơ nhă. Pơtao tuh hŭt lê̆ păng pơyơ̆r ăn kơ Kră Yang.

I Ho 11:17

Đawit rơhing kơ đak na khan: “Ơ rŏ kơ đei bu năm ba kơ inh đak nhă đơ̆ng đak sơlŭng jê̆ 'măng jang pơlei Betlehem!”

Horiso 119:81

Bơhngol inh rơdu rơmơ̆n chang gô tơdrong dŏng pơklaih đơ̆ng Ih. Mă-lei Inh hơmĕng kơ nơ̆r Ih.

Horiso 63:1

Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih; thoi teh hrĕng kro, hơđang, ưh kơ đei đak. Bơhngol inh rơhing kơ Ih. Akâu jăn inh hơpơi kơ Ih.

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Êsai 44:3

Inh gô tuh ăn đak tơ tơring char rơhing. Ăn đak glung ro tơ anih hrĕng kro, Inh gô tuh Yang Bơhngol Inh tơ adrĕch adrung lu iĕm, Inh gô ăn pŭn hiôk kơ lu kon sâu iĕm.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 7:37

Tơpă wă tôch Năr Giĕng Bơsŭn ei, năr noh năr đe akŭm giĕng tih tơpă, na Yêsu iung dang dơ̆ng bơtho 'bơ̆r re khan: “Bơngai bu rơhing 'maih nhă đak, năm tơ Inh bĕ.