II Sam 23:10 - Sơ̆p Hlabơar Nơ̆r 'Bok Kei-Dei

¹⁰ Mă-lei sư dơ̆ng kơtă anih păng koh pơlôch kon pơlei Philistin truh tơpang ti sư rơgah hơmren klep kơjăp kơ đao gưm, khŭl linh Isơrael wih hơlơ̆k tơgŭm sư, mă-lei lăp chă dônh akŭm tơmam đơ̆ng akâu bơngai lôch đĕch. Lăm năr noh, Kră Yang ăn kơ kon pơlei Isơrael kĕ jei jơnei tih.

II Sam 23:10 ပူးပေါင်းရင်းမြစ်များ

II Sam 23:12

Mă-lei sư dơ̆ng tŏk-bŏk lăm mir blah pơlôch linh Philistin păng bơwei mir tơh. Kră Yang ăn kơ linh Isơrael kĕ jei jơnei tih.

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

I Ho 11:13

Sư oei hơdai hăm Đawit tơ Pas Đammim, lăp lu linh Philistin akŭm băl wă tơblah. Tơ noh đei na chŭn 'ba tơ'bâu, anih mă lu linh kơdâu kơ linh Philistin.

Horiso 108:13

Đơ̆ng Kră Yang 'Bok Kei-Dei na lu nhôn kĕ jei. Yua kơ Kră Yang gô pơjuă bơhlơ̆r lê̆ lu ayăt kơ lu nhôn.

Horiso 144:10

Ih ăn tơdrong jei kơ lu pơtao; Pơklaih Đawit đĭch đam Ih đơ̆ng tak đao gưm.

Horiso 68:12

“Lu pơtao lu wei linh kơdâu ôn, lu sư kơdâu ôn đĭ; Lu drŏ-kăn oei tơ lăm hnam asong băl tơmam đêl lu sư blah iŏk.

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Rom 15:18

Ưh kơ sĭ inh pơma gah tơdrong đe nai ôh. Inh pơma gah tơdrong jang inh mă đơ̆ng Yêsu Krist tơgŭm. Sư tơgŭm inh jang wă anhăk lơ bơngai tơmoi mă ưh kơ khŭl Juđê lui kơ Sư. Sư tơgŭm inh lăm tơdrong bơtho păng lơ tơdrong nai dơ̆ng wă kơ lu bơngai noh lui kơ Sư.

II Kor 4:5

Ưh kơ sĭ nhôn bơtho pơang akâu nhôn kơdih ôh. Nhôn bơtho pơang kơ đe Yêsu Krist Kră Yang bơ̆n; gah nhôn bơngai đĭch đam iĕm yua kơ tơdrong jang Yêsu Krist.

Jôsuê 10:10

Kră Yang pơm ăn kơ lu linh ayăt hli rŭng răng kơdâu tơklah tơklang 'bơ̆t anăp linh Isơrael, lu bơngai Isơrael tơblah ayăt jei jơnei tih jê̆ pơlei Gibeôn, lu linh Isơrael druh lu ayăt tŏk tơ trong suăn kơ pơlei Bêt Hôrôn, blah drŭt lu sư truh tơ pơlei Asêka păng pơlei Makkêđa.

Jôsuê 10:42

Lăm minh kơchon noh Jôsuê blah rôp lu pơtao păng blah iŏk pơlei tơring char 'nâu, yua kơ Kră Yang 'Bok Kei-Dei Isơrael, tơblah ăn kơ Isơrael.

Jôsuê 11:8

Kră Yang jao lu sư lăm tơpang ti bơngai Isơrael. Jôsuê păng đĭ-đăng lu linh blah drŭt lu sư truh tơ pơlei tih Siđôn, Mitrêphôt-Maim păng tơ pŭng-lŭng Mispa tơ gah hơlĕch, na pơlôch lu sư, ưh pă đei lê̆ bu oei arih.

Lu 15:14

Lăp lu sư truh tơ tơring Lêhi, kon pơlei Philistin lĕch tơ 'nguaih lu sư jreo ôr wă sơng iŏk Samsơn, na đei yang bơhngol Kră Yang jur oei hơdai sư hăm pơm kơ sư pran na tơlei giĕn đêl đe chô̆ ti sư 'noh nhen thoi brai ŭnh sa kơtĕch đĭ, hloi đơ̆ng ti sư.

Lu 15:18

Yua kơ sư rơhing 'maih nhă đak dêh na sư krao apinh Kră Yang khan: “Ih ăn boih kơ đĭch đam ih tơdrong jơnei tih dêh âu, na dang ei inh wă lôch ngôi rơhing đak, na kư̆m wă huŏng 'bônh lăm ti lu bơngai ưh kơ chu kăt tơdra akar hă?”

I Sam 11:13

Mă-lei Sôl tơl lu sư: Năr âu lu bơ̆n ưh kơ gơh pơlôch bu; yua kơ năr âu Kră Yang đĕch ăn kơ bơngai Isơrael đei jơnei tih.

I Sam 14:23

Kră Yang dŏng pơklaih bơngai Isơrael lăm năr 'noh; tơdrong tơblah lanh truh tơ Bêt Awen.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 17:53

Kon pơlei Isơrael đang đơ̆ng druh puh kon pơlei Philistin boih, na hơlơ̆k brŏk blah iŏk pơrăm kơđông sư.

I Sam 19:5

Sư hŭt akâu kơdih na mă pơlôch bơngai Philistin, yua kơ sư na Kră Yang đei ăn kơ bơngai Isơrael tơblah jei ngăl. Ih 'bôh boih păng chơt hiôk; lei na khan wă pơlôch pơrăm bơngai ưh kơ pơm yoch wă pơlôch Đawit tơdrong ưh kơđei?