II Sam 22:33 - Sơ̆p Hlabơar Nơ̆r 'Bok Kei-Dei

³³ Ơ Kră Yang 'Bok Kei-Dei, Ih boih anih inh ôn kơjăp, Ih wei inh yak năm hơđơ̆ng.

II Sam 22:33 ပူးပေါင်းရင်းမြစ်များ

II Sam 22:2

Pơtao hơri: “Kră Yang jơ̆ kông tơmo păng kơđông kơjăp inh, Tơ'ngla dŏng pơklaih inh!

Jop 22:3

Kră Yang Tih Hloh hăm đei hiôk chơt kiơ tơdah ih arih 'lơ̆ng tơpăt? Hăm đei yua kiơ kơ Sư dah trong ih yak 'lơ̆ng tôm tơdrong?

Horiso 101:2

Inh gô kơchăng oei arih sa trŏ 'lơ̆ng. Dang yơ Ih wă truh tơ inh? Inh gô iŏk jơhngơ̆m tơpăt na oei sa lăm hnam inh.

Horiso 101:6

Măt inh gô hnhoi kiơ̆ lu bơngai tơpăt lăm tơring. Lu sư gô oei hơdai hăm inh; Bu kiơ̆ trong tơpăt, bơngai noh gô bơ̆jang kơ inh.

Horiso 119:1

Pŭn dêh kơ lu đe bu mă pơm 'lơ̆ng đe huay kơ chrih lăm trong sư yak. Arih kiơ̆ khôi juăt Kră Yang.

Horiso 18:32

Kră Yang 'Bok Kei-Dei tơ̆n ăn kơ inh hăm tơdrong pran kơtang, Păng pơm kơ trong inh dơnă.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 32:8

Inh gô bơtho tơ'bôh kơ lu iĕm trong lu iĕm athei năm kiơ̆. Măt Inh gô wei-lăng păng na bơtho tơ'bôh kơ lu iĕm.e

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

II Kor 12:9

Mă-lei Sư khan: “Huay ôh, ih kư̆ kơ jang tơdrong Inh mă tơpă đĕch, tơdrong ih jang ưh kơ kĕ ưh kơ pran noh lê̆ kơ Inh tơgŭm ih, ih 'nĕ hiơ̆k kơ tơdrong ih pơmat-tat noh, thoi noh na đe băt kơ tơdrong mơsêh mơyang Inh tih tơpă, ih pơmat-tat dang noh mă oei jang khŏm khŏm.” Thoi noh na dang ei inh kuă boih pơang kơ iĕm tơdrong noh, pơang pơăi tơdrong inh kơtul tơrăn đĕch na Sư ăn kơ inh hiôk gơh jang tơdrong Sư khŏm khŏm.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Both 18:13

Iĕm athei oei sa mă 'lơ̆ng rơgoh 'bơ̆t anăp Kră Yang 'Bok Kei-Dei iĕm.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.