II Sam 21:17 - Sơ̆p Hlabơar Nơ̆r 'Bok Kei-Dei

¹⁷ Mă-lei Abisai, kon yă Sêruia năm dŏng pơtao, blah bơngai Philistin 'noh păng pơlôch lê̆ lu sư. Kơplah noh lu linh pơtao Đawit pơkă: “Pơtao ih 'nĕ pă lĕch tơblah hơdai lu nhôn dơ̆ng, kơnh pơtao pĭt hŭt pla ŭnh kơđeng kon pơlei Isơrael.”

II Sam 21:17 ပူးပေါင်းရင်းမြစ်များ

II Sam 14:7

Na dang ei đĭ-đăng lu 'nhŏng oh lu sư iung ayăt hăm inh đam drŏ-kăn ih, lu sư khan: ‘Pơjao ăn bơngai pơlôch oh sư lê̆ kơ nhôn pơlôch sư, wă iung kơting pham kơ oh sư, mă khan sư bơngai pơtrơp ioi, lu bơ̆n kư̆m gô pơlôch sư!’ Na sư gô pĭt tŭk ngar ŭnh ngŭr oei oei, wă kơ klo inh ưh pă đei anăn păng bơngai pơtrơp ioi, adrĕch adrung kơpal teh.”

II Sam 18:2

Đawit gơih khŭl linh sư năm. Klah asong pêng khŭl, ăn kơ Jôap iŏk pơgơ̆r minh khŭl. Abisai, kon Sêruia, oh Jôap iŏk pơgơ̆r minh khŭl; Itai, bơngai Gat iŏk pơgơ̆r minh khŭl, pơtao pơma pơkă hăm khŭl linh khan: “Inh kư̆m gô năm tơblah hơdai hăm lu iĕm.”

II Sam 18:3

Mă-lei khŭl linh khan: “Pơtao ih 'nĕ kơ năm yua kơ mă lu nhôn thuơ kơdâu, bơngai ayăt ưh kơ gan hiơ̆k kơ lu nhôn, păng mă khan minh puăt lu nhôn lôch lu sư kư̆m ưh kơ hơlen ôh; mă-lei minh 'nu ih gĭt dang mơjĭt-rơbâu 'nu lu nhôn. Lei pơtao jah oei tơ lăm pơlei, răp dŏng tơgŭm lu nhôn đĕch 'lơ̆ng hloh.”

II Sam 22:19

Lăm năr truh kơ inh pơmat-tat lu sư bruh tơ inh. Mă-lei Kră Yang dŏng tơgŭm inh.

II Sam 22:29

Ơ Kră Yang Ih jơ̆ ŭnh kơđeng inh, pơchrang lăm jơhngơ̆m inh puh tơweh lê̆ măng mu tơdrong yoch păng tơdrong lôch.

I Pot 11:36

Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

I Pot 15:4

Mă-lei yua kơ Đawit, na Kră Yang 'Bok Kei-Dei ăn kơ sư minh pôm ŭnh kơđeng lăm pơlei Jêrusalem, ăn kơ kon drŏ-nglo sư pơgơ̆r pơtrơp sư, pơm ăn kơ pơlei Jêrusalem oei kơjăp,

Horiso 132:17

Tơ noh inh gô ăn hơke Đawit bluh chăt; Inh đei hơmet lê̆ ŭnh kơđeng kơ bơngai mă inh đei tuh đak rơmă.

Horiso 144:10

Ih ăn tơdrong jei kơ lu pơtao; Pơklaih Đawit đĭch đam Ih đơ̆ng tak đao gưm.

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Je 40:15

Jôhanan kon drŏ-nglo Karea pơma ôn hơdrô̆ hăm Gêđalia tơ pơlei Mispa: “Lê̆ kơ inh năm pơlôch Ismael kon Nethania, ưh kơ đei bu băt ôh tơdrong noh. Lê̆ kơ kiơ sư pơlôch ih, na lu bơngai Juđa mă oei hơdai ih gô kơdâu tơklah tơklang. Păng lu bơngai Juđa mă oei lăm char âu kư̆m lôch đĭ.”

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.