II Sam 21:14 - Sơ̆p Hlabơar Nơ̆r 'Bok Kei-Dei

¹⁴ Chĕp ba 'bŭ hơdai hăm kơting pơtao Sôl păng Jônathan kon pơtao, tơ Sêla lăm teh đak Bênjamin lăm bơsat Kis 'bă pơtao Sôl. Đơ̆ng rŏng kơ lu sư jang keh dôm tơdrong pơtao pơkă, Kră Yang 'Bok Kei-Dei tơl tơwih nơ̆r pơtao krao apinh păng tuh tơdrong pŭn hiôk ăn kơ teh đak.

II Sam 21:14 ပူးပေါင်းရင်းမြစ်များ

II Sam 21:13

Pơtao chĕp ba kơting pơtao Sôl păng kơting Jônathan kon pơtao, đơ̆ng Jabes, đơ̆ng noh wơh lu bơngai năm iŏk kơting lu bơngai mă đe hrek hơtol noh.

II Sam 24:25

Đawit pơm minh pôm chơnang soi kơkuh, wă kơkuh kơ Kră Yang, pơtao pơyơ̆r kơ Kră Yang tơmam soi 'buh. Păng tơmam soi hiôk-hian. Kră Yang tơl tơwih nơ̆r pơtao krao apinh ăn kơ teh đak, păng tơdrong jĭ hơbuh pơdơh ưh pă pơrăm kon pơlei Isơrael dơ̆ng.

II Sam 3:32

Lăp lu sư 'bŭ Apner đang boih tơ Hêbrôn, na pơtao nhơ̆m hmoi ôr 'bơ̆t bơsat Apner; đĭ-đăng kon pơlei kư̆m wang nhơ̆m hmoi.

II Sam 4:12

Đawit athei hloi lu linh sư pơlôch 'bar 'nu bơngai noh, chơ̆ng jơ̆ng ti sư, na hơtol akâu sư jê̆ cheng đak dơnâu tơ Hêbrôn, mă-lei kơ̆l Isbôset lu linh 'bŭ lăm bơsat Apner, tơ Hêbrôn.

Jôna 1:15

Đơ̆ng noh đe rôp Jôna klơ̆m hơtat lê̆ sư tơ lăm đak dơsĭ, na đak dơsĭ huay pă poh-yă hloi.

Sa 6:8

Đơ̆ng noh sư krao inh: “'Nâu, lu aseh năm tơ gah yă-nơ̆m, ăn kơ Yang Bơhngol Inh oei pơdơh tơ gah yă-nơ̆m noh.”

Jo 25:13

Tơdrong noh 'măn kơ sư, hăm lu kon sâu sư, tơdrong bơ̆jang 'bok soi ling-lang, yua kơ sư đei jơhngơ̆m đon tơnăp băt hli yom kơ Kră Yang 'Bok Kei-Dei sư, pơm rơgoh tơdrong yoch đơ̆ng kon pơlei Isơrael.

Jo 25:8

kiơ̆ bơngai Isơrael mơ̆t lăm bơsŭn, 'bet hloi bơngai drŏ-nglo Isơrael noh klĕch hloi tơ klak bơngai drŏ-kăn; đơ̆ng noh tơdrong truh kơ bơngai Isơrael pơdơh hloi.

Jôsuê 18:28

Sêla, Halep, pơlei tih bơngai Jêbus, noh krao pơlei Jêrusalem, Gibêah, Kiriat, đĭ-đăng noh mơjĭt-puăn tŏ pơlei tih păng pơlei iĕ lu sư. Noh boih anih jang sa kơ lu kon sâu Bênjamin, kiơ̆ kơ adrĕch adrung lu sư.

Jôsuê 7:26

Lu sư dan lê̆ tơmo, tơ kơpal akâu Akan lôch, hơlôk dang ei oei đei, Kră Yang huay pă hil mĭl, đơ̆ng noh truh tơ dang ei, đe krao anih noh thŭng Akôr.c

I Sam 10:2

Năr âu adrol wă weh tơklah đơ̆ng inh, ih gô tơ'bơ̆p 'bar 'nu bơngai drŏ-nglo 'bơ̆t bơsat Rachel tơ pơlei Selsa, dêh Bênjamin; bre sư gô khan kơ ih: Lu aseh akăn mă ih chă noh 'bôh bơih; 'nâu 'bă ih ưh pă bơngơ̆t kơ aseh akăn noh dơ̆ng bơih, mă-lei sư bơngơ̆t kơ măr iĕm dơ̆ng na khan: Inh wă pơm liơ kơ kon drŏ-nglo inh âu?