II Sam 21:12 - Sơ̆p Hlabơar Nơ̆r 'Bok Kei-Dei

¹² Pơtao Đawit năm tơ'bơ̆p lu bơngai pơgơ̆r lăm pơlei Jabes tơ Gileat wă apinh iŏk kơting pơtao Sôl păng kơting Jônathan kon drŏ-nglo pơtao. Lu bơngai 'nâu iŏk tơtông boih akâu 'bar 'nu. 'Bă hăm kon sư dơ̆ng linh Philistin hơtol sư tơ anih Bêtsan đơ̆ng rŏng kơ lu sư pơlôch pơtao Sôl tơ kơpal Kông Gilbôa.

II Sam 21:12 ပူးပေါင်းရင်းမြစ်များ

II Sam 1:21

Ơ kông groi Gilbôa Rŏ kơ tŭk gom păng 'mi 'nĕ pă jruh tơ ih, rŏ kơ ưh pă đei chŭn mir, teh mơ̆r 'lơ̆ng tơ anih 'nâu dơ̆ng. Yua kơ tơ anih noh khêl đao tơblah lu bơngai nuih kơtang jing đĭ 'mê̆-'mach, Khêl đao Sôl ưh pă layơ wă sŭt pơiel hăm đak rơmă dơ̆ng.

II Sam 1:6

Bơngai tơdăm ei tơl: “Lăp inh năm rok trong kông Gilbôa,” na inh 'bôh Sôl oei 'bĭch hơgrop hăm tơju sư, gre hăm lu linh ayăt druh wă jê̆ sư.

II Sam 2:4

Lu bơngai Juđa năm truh tơ Hêbrôn tơ noh na lu sư tuh đak rơmă kơ Đawit pôk sư pơm pơtao bơngai Juđa. Đe năm roi ăn kơ Đawit: “Kon pơlei Jabes Gileat 'bŭ hơmet Sôl.”

II Sam 21:11

Đei bơngai tơbăt ăn kơ pơtao Đawit dôm tơdrong yă Rispa, kon drŏ-kăn Aiya, akăn kơnhŏng pơtao Sôl, đei pơm.

II Sam 21:13

Pơtao chĕp ba kơting pơtao Sôl păng kơting Jônathan kon pơtao, đơ̆ng Jabes, đơ̆ng noh wơh lu bơngai năm iŏk kơting lu bơngai mă đe hrek hơtol noh.

I Ho 10:1

Lu bơngai Philistin tơblah hăm bơngai Isơrael. Kon pơlei Isơrael kơdâu đơ̆ng anăp kon pơlei Philistin, đei lơ bơngai jĭ rơka, pơ̆k lôch tơ kơpal Kông Gilbôa.

I Ho 10:12

na lu sư minh jơhngơ̆m minh đon hơdai iung năm tŏk tơtông iŏk akâu pơtao Sôl păng akâu lu kon drŏ-nglo sư chĕp wih tơ Jabes, 'bŭ kơting lu sư tơ ala tơm 'long kôih tơ Jabes, lu sư grong ơ̆t kơ sŏng sa tơpơh năr.

I Ho 10:8

Năr đơ̆ng rŏng, kon pơlei Philistin năm iŏk mŭk tơmam lu bơngai lôch, na 'bôh Sôl păng lu kon drŏ-nglo sư lôch tơ Kông Gilbôa.

Jôsuê 17:11

Teh gah Isakar păng Aser kư̆m đei adrĕch Manase oei thoi pơlei Bêt Sêan. Pơlei Iblêam păng lu kon pơlei Đôr, kon pơlei Êndôr, kon pơlei Tanak, păng kon pơlei Mêgiđô, tơring mă pêng noh pơlei Naphot kiơ̆ kơ jô̆.

I Sam 28:4

Thoi noh kon pơlei bơngai Philistin akŭm băl pơm kơđông tơ Sunem,a gah Sôl kư̆m krao akŭm đĭ-đăng lu bơngai Isơrael păng lu sư kư̆m pơm kơđông oei tơ Gilbôa.

I Sam 31:1

Kon pơlei bơngai Philistin tơblah hăm lu bơngai Isơrael; bơngai Isơrael kơdâu thuơ ôn achăng pră lê̆ lu bơngai lôch tơ kông Gilbôa.

I Sam 31:3

Tơdrong tơblah druh pơm kơ Sôl dêh; lu linh chĕp hră prah 'bơm sư, sư jĭ rơka jĭ dêh.

I Sam 31:4

Sôl khan kơ bơngai chĕp tơmam tơblah sư: Toh bĕ tơju ih, 'bet inh wăi, kơnh lu bơngai ưh kơ chu kăt tơdra akar 'bet inh păng gô che bơle kơ inh. Mă-lei bơngai mă chĕp tơmam sư tơblah ưh kơ pơ̆n 'bet, yua kơ hli dêh; Sôl iŏk tơju glơ̆m akâu sư kơdih.