II Sam 20:22 - Sơ̆p Hlabơar Nơ̆r 'Bok Kei-Dei

²² Na, bơngai drŏ-kăn ei năm tơ'bơ̆p đĭ-đăng kon pơlei păng roi tơbăt tơdrong gơh hơgei sư. Lu sư chơ̆ng kơ̆l Seba, kon drŏ-nglo Bikri klơ̆m ăn kơ Jôap. Jôap hlôm keng hloi; na khŭl linh kơdŭn weh đơ̆ng pơlei păng tơklah lĕch, bu bu brŏk tơ hnam lu sư kơdih. Na Jôap wih brŏk dơ̆ng tơ pơlei Jêrusalem tơbăt ăn kơ pơtao.

II Sam 20:22 ပူးပေါင်းရင်းမြစ်များ

II Sam 18:16

Đơ̆ng rŏng kơ noh Jôap hlôm tơgiĕp, kon pơlei ưh pă druh linh Isơrael dơ̆ng, yua kơ Jôap athei lu sư lê̆.

II Sam 18:17

Đe iŏk akâu Apsalôm klơ̆m lê̆ tơ lăm sơlŭng jrŭ tơ lăm bri, na dan hơdrom tơmo tơ kơpal sư minh pôi tih. Đĭ-đăng lu linh Isơrael kơdâu ôn brŏk tơ hnam lu sư kơdih.

II Sam 2:28

Jôap athei đe hlôm keng, đĭ-đăng linh athei pơdơh, ưh pă druh lu kon pơlei Isơrael, păng ưh pă tơblah băl dơ̆ng.

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Sam 20:16

Đei minh 'nu bơngai drŏ-kăn gơh hơgei dơ̆ng kơpal dur pơlei krao dơ'lông tơ ala: “Mơ̆ng bĕ, mơ̆ng bĕ! Apinh krao Jôap năm jê̆ tơ âu, inh wă pơma dơnuh hăm sư.”

Bôk Bơthô 7:19

Bơngai hơgei gơh đei jơhngơ̆m pran hloh kơ mơjĭt 'nu bơngai pơgơ̆r lăm pơlei tih.

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.