II Sam 20:21 - Sơ̆p Hlabơar Nơ̆r 'Bok Kei-Dei

²¹ Ưh kơ trŏ thoi noh ôh! Mă-lei đei minh 'nu bơngai đơ̆ng tơring kông Êphraim, anăn sư Seba, kon drŏ-nglo Bikri. Sư iung blah pơtao Đawit. Lu iĕm athei pơjao sư ăn kơ inh, minh 'nu sư đĕch na inh gô ăn linh kơdŭn weh, ưh pă wang pơlei dơ̆ng.” Bơngai drŏ-kăn tơl: “Lê̆ lu nhôn klơ̆m kơ̆l sư tơ đaih kơ dur ăn kơ ih.”

II Sam 20:21 ပူးပေါင်းရင်းမြစ်များ

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Sam 20:2

Đĭ-đăng bơngai Isơrael achăng lê̆ pơtao Đawit, kiơ̆ Seba kon drŏ-nglo Bikri; mă-lei bơngai Juđa oei kơjăp hăm pơtao sư kơdih, năm kiơ̆ pơtao đơ̆ng đak Krong Jôrđăn brŏk tơ Jêrusalem.

II Sam 20:20

Jôap tơl: “Ưh kơ đei layơ! Ưh kơ đei layơ inh mă đei tơchĕng wă pơlôch dah pơrăm lê̆!

II Sam 23:18

Abisai 'nhŏng Jôap kon Sêruia, pơm yŏng lu bơngai nuih kơtang sư hiŏng tơju 'bet pơlôch pêng-hrĕng 'nu bơngai, na đei anăn lăm pêng 'nu bơngai nuih kơtang.

I Pot 11:26

Jêrôbôam kon drŏ-nglo Nêbat, bơngai Êphraim oei tơ pơlei Sêrêđa, sư đĭch đam Sôlômôn; mĕ sư adro, anăn Sêrua; sư wă iung blah pơtao Sôlômôn mơ̆n.

II Pot 10:7

Lu đe ei đei iŏk kơthơ noh, na rôp hĭ tơpơh-jĭt 'nu kon drŏ-nglo pơtao, pơlôch đĭ, đơ̆ng noh tah lê̆ kơ̆l lu sư lăm bai, ba truh tơ Jêhu tơ Pơlei Jêsreel.

II Pot 5:22

Gêhasi tơl: “Tôm tơdrong oei hiôk-hian mơ̆n, yŏng tơ'ngla inh athei roi kơ ih. Hei đei 'bar 'nu tơdăm, đơ̆ng khŭl bơngai khan lê̆ adrol, bre sư đơ̆ng Kông Êphraim 'nao năm truh tơ inh; apinh ih asong sư jên, minh 'nu, mơjĭt kĭ hu, păng 'bar blah ao wă hrŭk tơplih.”

Je 4:15

To đei nơ̆r đe roi đơ̆ng tơring Đan, nơ̆r tơbăt tơdrong truh răm đơ̆ng kông Êphraim.

Je 50:19

Mă-lei Inh gô chông bơngai Isơrael brŏk tơ anih 'nhĕt sư. Lu sư gô sa 'nhĕt tơ kông Karmel păng lăm groi Basan, lu sư gô sa phĭ hrăp tơ groi Êphraim păng lăm char Gileat.”

Jôsuê 24:33

Êlêasar, kon drŏ-nglo Arôn, kư̆m lôch, đe 'bŭ sư tơ Gibêah pơlei mă Phinêhas, kon drŏ-nglo sư, teh noh đe ăn kơ sư tơ tơring groi kông Êphraim.

Lu 2:9

đe 'bŭ sư lăm teh hnam sư kơdih tơ Timnat Hêres kơpal groi kông Êphraim gah yă-nơ̆m kơ kông Gaas.

Lu 7:24

Giđêôn wơh bơngai năm tơ jơ̆p kơ groi kông Êphraim, na krao: Jur năm blah kon pơlei Miđian blah iŏk trong tơnŏk đơng lu sư juăt tŏk kơ đak Krong Jôrđăn, blah truh tơ pơlei Bêt Bara păng iŏk rok jih đak Krong Jôrđăn. Thoi noh lu bơngai drŏ-nglo Êphraim năm. Lu sư blah iŏk trong đơ̆ng tŏk kơ đak krong Jôrđăn dĭng truh tơ pơlei Bêt Bara păng iŏk rok jih đak Krong Jôrđăn.

Lu 9:55

Wă lu bơngai Isơrael 'bôh Abimêlek lôch boih na rim 'nu brŏk tơ hnam lu sư kơdih.

I Sam 24:6

Sư khan kơ lu bơngai kiơ̆ sư: Hơpơi kơ Kră Yang phak inh tơdah inh pơm yoch hăm yŏng tơ'ngla inh, bơngai mă chu tuh đak rơmă đơ̆ng Kră Yang, yua kơ sư jơ̆ bơngai chu tuh đak rơmă đơ̆ng Kră Yang.

I Sam 26:9

Mă-lei Đawit khan kơ Abisai: 'Nĕ kơ pơlôch sư, kơnh ih đei tơdrong glăi, yua kơ sư bơngai mă đơ̆ng Kră Yang 'Bok Kei-Dei tuh ăn đak rơmă.