II Sam 20:15 - Sơ̆p Hlabơar Nơ̆r 'Bok Kei-Dei

¹⁵ Na, đĭ-đăng lu linh Jôap lu sư truh wang Seba lăm pơlei Abel tơ Bet Maaka, lu sư năm pơm kơđông jê̆ dur 'nguaih păng oei sir wă kơ dur pơlei păk hơlih.

II Sam 20:15 ပူးပေါင်းရင်းမြစ်များ

II Sam 20:14

Seba năm hlôi jơ̆p kơ tơring lu adrĕch adrung Isơrael. Truh tơ pơlei Abel lăm Bet Maaka păng đĭ-đăng lu bơngai lăm adrĕch Bikri kư̆m năm kiơ̆ Seba.

I Pot 15:20

Ben Hadat chu nơ̆r pơtao Asa, athei lu linh sư năm tơblah hăm lu kon pơlei Isơrael. Sư blah iŏk pơlei Ijôn, pơlei Đan, pơlei Abel Bet Maaka, đĭ char Kinêrot păng đĭ kơ char Naptali.

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 19:32

Kơlih kơ 'noh, 'nâu Kră Yang khan gah pơtao đe Asiri: “Sư ưh kơ đei mơ̆t lăm pơlei 'nâu păng kư̆m ưh kơ đei prah minh găr 'brơ̆m sư tơ noh ôh, sư kư̆m ưh kơ đei chĕp khêl năm mơ̆t, sư kư̆m ưh kơ đei bơ̆ teh wă tŏk blah pơlei noh.

Bôk Bơthô 9:14

Đei minh pôm pơlei iĕ, bơngai oei tŏ sĕt đĕch, đei minh 'nu pơtao mơdrŏng pran kơtang năm wă wang blah pơlei noh.

Êsai 37:33

Thoi noh Kră Yang khan gah pơtao Asiri thoi âu: “Sư gô ưh kơ mơ̆t ôh lăm pơlei tih âu, ưh kơ đei prah minh găr 'brơ̆m hră, tơ noh ưh kơ đei chĕp khêl kư̆m ưh kơ pơm anih kơjăp tăp dăr kơ pơlei wă tơblah hăm sư.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 33:4

'Nâu Kră Yang 'Bok Kei-Dei Isơrael khan: “Gah lu hnam lăm pơlei tih, hnam pơtao đe Juđa, pơrăm lê̆ boih, wă yua găn tơblah hăm đao gưm lu bơngai Babilôn.

Je 6:6

Kră Yang Tih Hloh đei khan: Kăl bĕ 'long, tuh teh bơ̆ dur na blah pơlei Jêrusalem! 'Nâu boih pơlei tih trŏ kơ phak bơtho sư; lăm pơlei tă kơ đei bơngai pơjuă pơđep ngăl,

Êsêkiên 4:2

Ih wang tăp pơlei noh; man pơdơ̆ng dur, pơm kơđông linh, blah pơlei noh păng dan tơroi tŭl dur jum dăr pơlei wă pơrăm sư.

Luka 19:43

“Ning-mônh lu bơngai ayăt kơ iĕm gô wang tăp dăr kơ pơlei iĕm. Lu sư gô pơgăn trong iĕm păng ưh kơ ăn iĕm jăk achăng pơlei iĕm ôh.