II Sam 20:12 - Sơ̆p Hlabơar Nơ̆r 'Bok Kei-Dei

¹² Mă-lei sư 'bôh đĭ-đăng khŭl linh dơ̆ng ngăl, yua kơ akâu Amasa lôch pham lĕch 'bĕnh oei lê̆ tŏk-bŏk trong tih. Sư dui lê̆ akâu noh tơ jih 'nguaih kơ trong tih, đơ̆ng noh sư klă minh blah ao kơpal, yua kơ sư 'bôh bu truh tơ anih noh kư̆m dơ̆ng ngăl.

II Sam 20:12 ပူးပေါင်းရင်းမြစ်များ

II Sam 17:25

Apsalôm pôk Amasa pơm yŏng linh pơtrơp đơ̆ng Jôap. Amasa kon drŏ-nglo Jether adrĕch bơngai Isơrael. Jether sơ̆ sư oei kơ Abigail, kon adruh Nahas, mŏ Sêruia, mĕ Jôap.

II Sam 2:23

Mă-lei Asahel ưh kơ wă weh na Apner iŏk hloi tơju wih rŏng 'bet hloi 'bơ̆t klak klĕch tơ kơdŭ rŏng Asahel pơ̆k lôch kơtă anih. Đĭ-đăng bơngai truh tơ anih Asahel lôch, lu sư dơ̆ng đĭ tơ anih noh.

II Sam 20:11

Minh 'nu bơngai linh Jôap dơ̆ng jê̆ akâu Amasa lôch, khan: “Bơngai bu 'mêm kơ Jôap păng gah Đawit, kiơ̆ Jôap bĕ.”

II Sam 20:13

Lăp akâu lôch noh dui lê̆ tơ jih kơ trong tih boih đĭ-đăng bơngai năm kiơ̆ Jôap druh 'moi Sêba, kon Bikri.

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla