II Sam 20:10 - Sơ̆p Hlabơar Nơ̆r 'Bok Kei-Dei

¹⁰ Mă-lei Amasa ưh kơ đei 'bôh ôh đao tơ ti gah 'ngiĕo Jôap, iŏk đao 'bet hloi klak Amasa, klak Amasa lĕch tơ teh, na sư lôch. Jôap ưh kơ kăl 'bet đơ̆ng mă 'bar. Jôap păng 'nhŏng sư Abisai năm druh 'moi Sêba, kon Bikri dơ̆ng.

II Sam 20:10 ပူးပေါင်းရင်းမြစ်များ

Bl 4:8

Đơ̆ng noh Kain pơtơm oh sưb Abel năm; kơplah măr sư oei tơ bri, na Kain plŏng bruh tơ Abel oh sư păng pơlôch hloi.

II Sam 2:23

Mă-lei Asahel ưh kơ wă weh na Apner iŏk hloi tơju wih rŏng 'bet hloi 'bơ̆t klak klĕch tơ kơdŭ rŏng Asahel pơ̆k lôch kơtă anih. Đĭ-đăng bơngai truh tơ anih Asahel lôch, lu sư dơ̆ng đĭ tơ anih noh.

II Sam 20:9

Jôap kơkuh kơ Amasa. “Ih hăm liĕm akâu?” Ti gah 'ma sư rôp sŏk kang Amasa wă chŭm sư.

II Sam 3:27

Lăp Apner brŏk hơlơ̆k truh tơ Hêbrôn, Jôap chông hơdrô̆ Apner weh tơ cheng kơ 'măng dur pơlei, nhen thoi wă pơma dơnuh tơdrong tơduă măr sư, wă 'mong pham đêl Apner pơlôch oh sư Asahel, na 'bet hloi klak, na Apner lôch hloi.

I Ho 12:2

Lu sư tă hơgei prah hră ngăl, gơh yua tơlei hơwơ̆t tơmo, chĕp hră prah 'brơ̆m ti gah 'ma thoi gah 'ngiĕo; đĭ-đăng lu sư adrĕch adrung Sôl, bơngai Bênjamin.

Je 41:2

Ismael kon drŏ-nglo Nethania hăm lu mơjĭt 'nu kiơ̆ sư iung pơlôch Gêđalia kon drŏ-nglo Ahikam sâu Saphan hăm đao gưm, bơngai mă pơtao Babilôn pôk sư pơm yŏng pơgơ̆r dêh char Juđa.

Jo 35:20

Dah đei bu mă yua kơ klai areh na tơlơ̆ đe, dah pơrơ̆ng klơ̆m hăm tơmam kiơ, yua kơ tơdrong noh na đe lôch;

Lu 3:15

Mă-lei mưh kon pơlei Isơrael krao ôr apinh Kră Yang, Kră Yang rơih ăn kơ lu sư minh 'nu 'bok dŏng pơklaih, anăn sư Êhut, kon drŏ-nglo Gêra, sư adrĕch Bênjamin. 'Noh bơngai juăt kơ yua ti gah 'ngiĕo. Kon pơlei Isơrael wơh sư chĕp ba tơmam ra ăn kơ Eglôn, pơtao Môap.

Lu 3:21

Êhut yơ̆r ti 'ngiĕo sư toh iŏk đao đơ̆ng kơiĕng sư, na 'bet hloi 'bơ̆t klak.

I Sam 26:8

Abisai khan kơ Đawit: Năr 'nâu Kră Yang 'Bok Kei-Dei pơjao bơngai ayăt kơ ih lăm tơpang ti ih. Ăn kơ inh iŏk tơju sư 'bet hơtơ̆p sư tơ teh; ưh kơ kăl kơ 'bet pơlơ̆k mă 'bar dơ̆ng.