II Sam 20:1 - Sơ̆p Hlabơar Nơ̆r 'Bok Kei-Dei

¹ Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Sam 20:1 ပူးပေါင်းရင်းမြစ်များ

Bl 46:21

Lu kon drŏ-nglo Bênjamin noh: Bêla, Bêker, Asbel, Gêra, Naman, Êhi, Ros, Mupim, Hupim păng Ardơ.

II Sam 15:10

Apsalôm kư̆m wơh lu bơngai năm tơ jơ̆p lăm lu adrĕch adrung Isơrael na pơkă khan: “Lăp 'nhŏng oh kơtơ̆ng re đe hlôm keng, lei athei wang ôr khan: ‘Apsalôm pơm pơtao tơ Hêbrôn!’ ”

II Sam 16:11

Đawit khan dơ̆ng kơ Abisai păng đĭ lu bơngai jang kơ sư: “To, kon inh kơdih, đơ̆ng blu pôih inh pơjing, oei 'maih pơrăm tơdrong arih inh 'mơ̆i; pơma kiơ kơ bơngai Bênjamin 'nâu! Lê̆ sư loh lê̆ sư hiap inh, yua kơ Kră Yang athei sư.

II Sam 16:7

Simêi hiap Đawit khan: “Ơ bơngai pơlôch đe. Bơngai kư̆ kă! Weh bĕ, năm tơ nai bĕ!

II Sam 18:17

Đe iŏk akâu Apsalôm klơ̆m lê̆ tơ lăm sơlŭng jrŭ tơ lăm bri, na dan hơdrom tơmo tơ kơpal sư minh pôi tih. Đĭ-đăng lu linh Isơrael kơdâu ôn brŏk tơ hnam lu sư kơdih.

II Sam 20:2

Đĭ-đăng bơngai Isơrael achăng lê̆ pơtao Đawit, kiơ̆ Seba kon drŏ-nglo Bikri; mă-lei bơngai Juđa oei kơjăp hăm pơtao sư kơdih, năm kiơ̆ pơtao đơ̆ng đak Krong Jôrđăn brŏk tơ Jêrusalem.

II Sam 20:22

Na, bơngai drŏ-kăn ei năm tơ'bơ̆p đĭ-đăng kon pơlei păng roi tơbăt tơdrong gơh hơgei sư. Lu sư chơ̆ng kơ̆l Seba, kon drŏ-nglo Bikri klơ̆m ăn kơ Jôap. Jôap hlôm keng hloi; na khŭl linh kơdŭn weh đơ̆ng pơlei păng tơklah lĕch, bu bu brŏk tơ hnam lu sư kơdih. Na Jôap wih brŏk dơ̆ng tơ pơlei Jêrusalem tơbăt ăn kơ pơtao.

II Sam 23:6

Mă-lei lu khŭl bơngai kơnê̆, đĭ-đăng lu sư tă kơ buch hŭt lê̆ thoi lĕ tơm jơla ưh kơ đei bơngai bu pơ̆n kơđôp lu sư lăm tơpang ti.

I Pot 12:16

Lăp lu bơngai Isơrael 'bôh pơtao ưh pă mơ̆ng lu sư bơih, lu kon pơlei pơla khan kơ pơtao “Lu nhôn hăm đei kiơ lăm Đawit? Nhôn hăm đei yua tơmam kiơ lăm kon drŏ-nglo Jese. Ơ lu bơngai Isơrael! Iĕm athei brŏk tơ bơsŭn iĕm kơdih. Ơ Đawit! Ih athei lăng bĕ kơ hnam ih kơdih.” Na lu bơngai Isơrael wih brŏk tơ bơsŭn lu sư kơdih.

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

II Ho 10:16

Wă đĭ-đăng kon pơlei Isơrael 'bôh pơtao Rêhôbôam ưh pă iŏk nơ̆r lu sư boih, lu sư tơl pơtao. “Lu nhôn hăm đei kiơ lăm Đawit? Lu nhôn hăm đei kiơ hăm kon drŏ-nglo Jese Ơ kon pơlei Isơrael wih brŏk bĕ tơ hnam lu iĕm. Ơ Đawit lăng bĕ hnam ih kơdih,” Na đĭ-đăng kon pơlei wih đĭ tơ hnam lu sư.

II Ho 10:6

Pơtao Rêhôbôam khan pơđâu hăm lu kră bơngai mă juăt kơ jang hăm 'bă sư Sôlômôn kơplah oei arih: “Lu iĕm tơchĕng inh athei pơma păng drơ̆ng lu kon pơlei âu thoi yơ?”

Horiso 17:13

Ơ Kră Yang, iung bĕ răp tơpơ̆k tơhuŏng lê̆ lu sư; Iŏk đao gưm han Ih dŏng pơklaih bơhngol inh klaih đơ̆ng lu bơngai kơnê̆.

Horiso 34:19

Lu bơngai 'lơ̆ng tơpăt đei lơ tơdrong pơmat-tat truh. Mă-lei Kră Yang dŏng pơklaih đĭ tơdrong noh.

Tơdrông Pơđơk 25:8

Tơdrong kiơ măt ih 'bôh boih, 'Nĕ kơ hăt tơbăt kơ 'bok sek tơlang. Kơnh, kon pơlei oei jê̆ ih lu sư 'bôh plơ̆ng gô pơm kơ ih mơlâu 'Nâu tuch-luch ih wă pơm liơ.

Tơdrông Pơđơk 26:21

Ngar soh lăm ŭnh jing ngŭr, 'long ŭnh tơkuh lăm ŭnh jing khơ̆ng, Bơngai juăt tơhil kư̆m ngăl pơm kơ đe tơhil băl thoi noh.

Markôs 3:24

Dah minh pôm teh đak tơblah dih băl, teh đak noh gô pơchah hiong,

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Yo 13:8

Pêtrôs khan: “Inh ưh kơ hơnhŏ Ih ôp jơ̆ng inh na inh ưh kơ layơ ăn Ih ôp jơ̆ng ôh.” Yêsu khan: “Dah Inh ưh kơ ôp jơ̆ng ih, lei ih ưh pă pơm jơ̆ng 'bang Inh boih.”

Both 13:13

đei lu bơngai kơnê̆ iung năm pơhlŭ pơlung kon pơlei noh, khan: Bĕ bơ̆n năm kơkuh kơ yang nai, yang mă lu iĕm tam lah băt,

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.

Lu 3:27

Lăp sư truh tơ noh sư hlôm keng tơ lăm groi kông Êphraim; na kon pơlei Isơrael jur hơdai hăm sư đơ̆ng kơpal kông păng sư pơm yŏng chông ba lu sư.

Ru 2:3

Thoi noh na Rut năm mok druh kiơ̆ đơ̆ng rŏng đe yuă 'ba lăm minh hlak mir ei. Sư chă mok noh trŏ kơ mir 'Bôô, kơtum Êlimêlek.

I Sam 13:2

Na sư rơih iŏk pêng-rơbâu 'nu, đơ̆ng lăm bơngai Isơrael 'bar-rơbâu 'nu wă kơ oei hơdai sư tơ Mikmas păng tơ groi kông Bethel, oei pă minh-rơbâu 'nu noh oei hăm Jônathan tơ Gibêah lăm dêh Bênjamin. Kon pơlei mă oei oei dôm yơ noh, sư ăn brŏk, rim 'nu brŏk tơ bơsŭn lu sư kơdih.

I Sam 2:12

'Bar 'nu kon drŏ-nglo Hêli jing bơngai kơnê̆ tơpă, bre sư ưh kơ băt hli yom kơ Kră Yang.

I Sam 30:22

Mă-lei đei lu bơngai kơnê̆ mă kiơ̆ Đawit pơma rơ̆n khan: Yua kơ lu sư ưh kơ năm hơdai hăm lu bơ̆n, lu bơ̆n 'nĕ kơ asong lu sư đêl mŭk tơmam đêl mă lu bơ̆n blah tơgar iŏk, pơdrâu ăn kon akăn kơ lu sư đĕch!