II Sam 2:7 - Sơ̆p Hlabơar Nơ̆r 'Bok Kei-Dei

⁷ Hơpơi kơ lu iĕm đei jơhngơ̆m nuih kơtang khŏm tơ'bôh ăn kơ đe iĕm jing bơngai nuih kơtang, yua kơ Sôl yŏng iĕm đĭ lôch boih; păng lu bơngai Juđa đei tuh đak rơmă pôk inh pơm pơtao lu sư.”

II Sam 2:7 ပူးပေါင်းရင်းမြစ်များ

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

II Sam 10:12

'Nĕ kơ hli athei tơblah mă nuih đĭ jơhngơ̆m wă wei kon pơlei pơla bơ̆n, păng lu pơlei tih Kră Yang 'Bok Kei-Dei bơ̆n; hơpơi kơ Kră Yang pơm kiơ̆ thoi Sư tơchĕng 'lơ̆ng!

II Sam 2:6

Dang ei apinh Kră Yang iŏk tơdrong sĭt 'lơ̆ng tơpăt Sư ăn kơ lu iĕm, gah inh kư̆m bơnê păng pơm 'lơ̆ng kơ lu iĕm, yua kơ lu iĕm đei pơm boih tơdrong noh,

II Sam 2:8

Kơplah noh Apner, kon drŏ-nglo Nêr yŏng linh Sôl ba Isbôset,a kon tơdăm Sôl, ôn tơ pơlei Mahanaim;

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

II Pot 11:12

Jêhôiada chông hloi kon tơdăm pơtao noh lĕch, pơyơ̆l ăn kơ sư môk pơtao, păng ăn kơ sư sơ̆p hla bơar tơdrong juăt. Thoi noh đe pôk sư pơm pơtao, tuh đak 'bâu phu kơpal kơ̆l sư, păng đĭ-đăng lu đe ei tap ti ôr jreo, khan: “Pơtao arih ling-lang khŏm khŏm.”

Ne 2:18

Inh kư̆m roi dơ̆ng kơ lu sư băt kơ tơpang ti 'mêm mơnat Kră Yang 'Bok Kei-Dei đei tơgŭm inh, păng đơ̆ng nơ̆r pơtao, khan kơ inh. Lu sư khan: “Iung bĕ păng man hơmet ming dơ̆ng!” Thoi noh jang tơdrong jang 'lơ̆ng dêh 'nâu.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

I Sam 31:12

Đĭ-đăng lu bơngai nuih pran iung năm kơmăng iŏk atâu akâu Sôl păng kon drŏ-nglo sư đơ̆ng dur pơlei Bêtsan, đơ̆ng noh lu sư wih brŏk tơ Jabes soh pơđĭ lu akâu Sôl păng pêng 'nu kon drŏ-nglo sư tơ noh,

I Sam 31:7

Kơplah lu bơngai Isơrael oei pah to pŭng-lŭng păng pah to Krong Jôrđăn, 'bôh lu linh bơngai Isơrael kơdâu ôn, Sôl păng pêng 'nu kon drŏ-nglo sư lôch boih, na achăng lê̆ lu pơlei sư kơdih na năm kơdâu ôn; na lu kon pơlei bơngai Philistin truh iŏk oei tơ lăm lu pơlei noh.

I Sam 4:9

Ơ bơngai Philistin, mă nuih bĕ, tơblah mă kơtang bĕ! Kơnh hli kơ iĕm pơm đĭch kon pơlei Hêbrơ, thoi lu sư đei pơm đĭch lu iĕm! Athei mă nuih kơtang năm blah bĕ!