II Sam 2:6 - Sơ̆p Hlabơar Nơ̆r 'Bok Kei-Dei

⁶ Dang ei apinh Kră Yang iŏk tơdrong sĭt 'lơ̆ng tơpăt Sư ăn kơ lu iĕm, gah inh kư̆m bơnê păng pơm 'lơ̆ng kơ lu iĕm, yua kơ lu iĕm đei pơm boih tơdrong noh,

II Sam 2:6 ပူးပေါင်းရင်းမြစ်များ

II Sam 10:2

Đawit khan: “Inh 'maih pơm hiôk hăm Hanun, kon drŏ-nglo Nabas, kư̆m thoi 'bă sư hlôi pơm 'lơ̆ng kơ inh boih” Đawit wơh đĭch đam sư năm ngôi pơlung pơtao Hanun gah tơdrong 'bă sư lôch. Lu đĭch đam Đawit năm truh tơ lăm dêh char kon pơlei Ammôn.

II Sam 15:20

Ih oei hăm inh 'nao năr brei, na năr 'nâu ih wă kiơ̆ chă jăk ah. 'Nhŏ kơdih inh kư̆m ưh kơ băt wă năm tơ yơ? Lei ih jah wih bĕ păng chông lu 'nhŏng oh ih. Apinh tơdrong 'mêm mơnat păng tơdrong 'lơ̆ng tơpăt Kră Yang oei hơdai hăm ih!”

II Sam 2:7

Hơpơi kơ lu iĕm đei jơhngơ̆m nuih kơtang khŏm tơ'bôh ăn kơ đe iĕm jing bơngai nuih kơtang, yua kơ Sôl yŏng iĕm đĭ lôch boih; păng lu bơngai Juđa đei tuh đak rơmă pôk inh pơm pơtao lu sư.”

II Sam 9:3

Pơtao jet dơ̆ng: Lăm hnam Sôl ưh pă đei bu dơ̆ng ah? Inh wă iŏk tơdrong 'lơ̆ng đơ̆ng Kră Yang 'Bok Kei-Dei, na sơng iŏk sư. Siba tơl pơtao: Oei pă minh 'nu kon drŏ-nglo Jônathan sư hơwen 'bar pah jơ̆ng.

II Sam 9:7

Đawit khan kơ sư: Mon 'nĕ kơ hli, inh wă tơgŭm ih yua kơ đơ̆ng Jônathan 'bă ih, inh gô pơdrâu kơ ih dôm mă bri seh teh choh đơ̆ng 'bok Sôl ih, păng ih gô oei sŏng sa hơdai inh minh pôm gơ'bang ling-lang hlŏng hloi.

Horiso 57:3

Sư tơjur ăn đơ̆ng plĕnha tơdrong dŏng pơklaih inh. Sư gô hil chrih kơ lu bơngai pơjuă inh. Sêla Kră Yang 'Bok Kei-Dei gơih ăn tơdrong 'mêm mơnat păng tơdrong tơpăt Sư.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Tơdrông Pơđơk 14:22

Hăm trŏ kơ lu bơngai wă chă đon pơm kơnê̆ noh gô wơ̆l jrok? Mă-lei đei bơngai pơđâu wă pơm 'lơ̆ng, đe gô mơnat păng jô̆ tơpăt.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Mathiơ 5:7

“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.

Jôsuê 2:14

Bre noh tơl: Yua kơ ih ăn kơ nhi oei arih, nhi kư̆m gô ăn kơ ih oei arih mơ̆n, tơdah ih ưh kơ roi kơ đe tơdrong jang lu nhôn âu, lei lu nhôn gô pơm 'lơ̆ng kơ ih păng gô pơm trŏ thoi nhôn pơkă, kơplah năr mă Kră Yang ăn dêh char âu kơ nhôn.

Ru 1:8

Naômi khan kơ bre mŏ mai sư thoi âu: Năm bĕ măr iĕm wih brŏk tơ hnam mĕ iĕm kơdih. Apinh Kră Yang ăn kơ măr iĕm pŭn hiôk, kư̆m thoi măr iĕm đei pơm 'lơ̆ng kơ inh hăm lu bơngai lôch noh.