II Sam 2:23 - Sơ̆p Hlabơar Nơ̆r 'Bok Kei-Dei

²³ Mă-lei Asahel ưh kơ wă weh na Apner iŏk hloi tơju wih rŏng 'bet hloi 'bơ̆t klak klĕch tơ kơdŭ rŏng Asahel pơ̆k lôch kơtă anih. Đĭ-đăng bơngai truh tơ anih Asahel lôch, lu sư dơ̆ng đĭ tơ anih noh.

II Sam 2:23 ပူးပေါင်းရင်းမြစ်များ

II Sam 2:24

Mă-lei Jôap hăm Abisai druh Apner; kơplah măr sư truh tơ groi Amma jê̆ pơlei Giah, 'bơ̆t trong năm tơ tơmăn glă Gibeôn, na 'năr đĭ mơ̆t.

II Sam 20:10

Mă-lei Amasa ưh kơ đei 'bôh ôh đao tơ ti gah 'ngiĕo Jôap, iŏk đao 'bet hloi klak Amasa, klak Amasa lĕch tơ teh, na sư lôch. Jôap ưh kơ kăl 'bet đơ̆ng mă 'bar. Jôap păng 'nhŏng sư Abisai năm druh 'moi Sêba, kon Bikri dơ̆ng.

II Sam 3:27

Lăp Apner brŏk hơlơ̆k truh tơ Hêbrôn, Jôap chông hơdrô̆ Apner weh tơ cheng kơ 'măng dur pơlei, nhen thoi wă pơma dơnuh tơdrong tơduă măr sư, wă 'mong pham đêl Apner pơlôch oh sư Asahel, na 'bet hloi klak, na Apner lôch hloi.

II Sam 3:30

Jôap hăm Abisai 'nhŏng sư, pơlôch Apner, yua kơ Apner pơlôch Asahel, oh măr sư, năr tơblah tơ Gibeôn.

II Sam 4:6

Măr sư mơ̆t hloi lăm hnam, chă pơchĕ khan wă năm iŏk 'ba. Na 'bet hloi 'bơ̆t klak Isbôset. Đơ̆ng noh Rêkap hăm Baanah 'nhŏng sư kơdâu ôn.

II Sam 5:6

Đawit wang blah pơlei Jêrusalem, lu bơngai Jêbus, oei tơ noh. Lu sư khan kơ Đawit: “Ih lê̆ kơ mơ̆t tơ âu, mă lu bơngai măt tol hăm jơ̆ng jo đĕch kư̆m gơh puh lê̆ ih.” Lu sư pơma noh wă khan: “Đawit ưh kơ layơ wă gơh mơ̆t tơ âu.”