II Sam 2:14 - Sơ̆p Hlabơar Nơ̆r 'Bok Kei-Dei

¹⁴ Apner khan kơ Jôap: “ ‘Bơ̆n lê̆ lu bơngai tơdăm 'nâu iung pơlong băl lăng 'bơ̆t anăp bơ̆n.’ Jôap khan: ‘Lei bĕ lê̆ lu sư pơlong băl.’ ”

II Sam 2:14 ပူးပေါင်းရင်းမြစ်များ

II Sam 2:15

Na lu sư iung năm hloi, 'bar pah dôm ăi, gah Isbôset, kon tơdăm Sôl, bơngai Bênjamin mơjĭt-'bar 'nu bơngai tơdăm, păng gah Đawit mơjĭt-'bar 'nu tơdăm bơngai Juđa.

II Sam 2:16

Rim 'nu rôp kơ̆l bơngai mă ayăt, iŏk đao 'bet tơ rơhiĕo, na đĭ-đăng lu sư kư̆m lôch hơdai. Đe krao anih noh anăn Hêlkat Hasurim,b lăm tơmăn glă Gibeôn.

II Sam 2:17

Lăm minh năr noh tơdrong tơblah băl krưp dêh. Apner hăm lu bơngai Isơrael lu sư thuơ kơ lu linh pơtao Đawit.

II Pot 14:8

Thoi noh Amasia wơh bơngai năm tơ Jêhôas, kon drŏ-nglo Jêhôahas, sâu Jêhu, pơtao đe Isơrael, na khan: “Năm tơ âu, bơ̆n tơblah băl lăng.”

Tơdrông Pơđơk 10:23

Lu bơngai kơwao lăng tơdrong pơm kơnê̆ thoi hơnul; Mă-lei bơngai hơgei 'maih đei chơt hiôk lăm tơdrong hlôh wao.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Tơdrông Pơđơk 20:18

Đơ̆ng bơtho tơ'bôh na chă đon gơh kơjăp. Năm tơblah athei đei đon pơgơ̆r hơgei.

Tơdrông Pơđơk 25:8

Tơdrong kiơ măt ih 'bôh boih, 'Nĕ kơ hăt tơbăt kơ 'bok sek tơlang. Kơnh, kon pơlei oei jê̆ ih lu sư 'bôh plơ̆ng gô pơm kơ ih mơlâu 'Nâu tuch-luch ih wă pơm liơ.