II Sam 18:9 - Sơ̆p Hlabơar Nơ̆r 'Bok Kei-Dei

⁹ Lu đĭch đam Đawit tơ'bơ̆p Apsalôm sư hao aseh iĕ. Aseh iĕ mơ̆t lăm ala dơng 'long kôih tơ'bla prêu prao, kơ̆l Apsalôm đom lăm sơlam dơng 'long, păng sư đom hơtol tơ kơpal dơng kơjung, na aseh iĕ đêl sư hao oei nơnăm.

II Sam 18:9 ပူးပေါင်းရင်းမြစ်များ

II Sam 13:29

Lu đĭch đam Apsalôm pơlôch Amnôn pơm kiơ̆ thoi yŏng tơ'ngla lu sư pơkă. Kơplah noh, lu kon pơtao nai iung hao aseh kơdâu chă ôn đĭ.

II Sam 14:26

Rim sơnăm wă tôch sư juăt kơ yuă sŏk, yua kơ sŏk pơm kơ sư trăp kơ̆l, na sŏk sư yuă chĕp kŏng trăp đei hloh kơ 'bar kĭ kiơ̆ kơ 'long kŏng hnam pơtao.

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

II Sam 18:10

Đei bơngai 'bôh, năm roi tơbăt kơ Jôap: “Inh 'bôh Apsalôm sư đom kơpal dơng 'long kôih.”

II Sam 18:14

Jôap tơl: “Inh ưh kơ wă gô mơ̆ng dâu ôh,” sư chĕp pêng hlak hơlă 'bet hloi plei nuih Apsalôm, 'bơ̆t sư oei arih đom kơpal dơng 'long kôih.

II Sam 18:8

Tơdrong tơblah lanh jơ̆p kơ tơring, lăm năr noh đei bơngai lôch hiong lăm bri lơ hloh kơ bơngai lôch kơ đao gưm.

Jop 31:3

Hăm trŏ lu bơngai pơm kơnê̆ tơ'bơ̆p tơdrong gleh truh? Lu bơngai pơm kơnê̆ đei pơmat-tat?

Tơdrông Pơđơk 20:20

Lu bơngai hiap mĕ 'bă, Ŭnh kơđeng sư gô păt hơngăm lăm măng mu.

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Mathiơ 27:5

Na Juđa năm klơ̆m lê̆ jên noh tơ hnam akŭm 'Bok Kei-Dei tơm, brŏk hrek hơlŏng pơlôch akâu sư kơdih.

Markôs 7:10

Môis khan boih thoi âu: ‘Iĕm athei lui yom kơ lu mĕ 'bă păng dah bơngai bu pơma kơnê̆ kơ mĕ 'bă sư, athei pơlôch tŭk bơngai noh.’

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Both 21:23

atâu sư 'nĕ kơ lê̆ kơpal gơ̆ng 'long noh truh minh măng, athei 'bŭ lăm năr noh hloi, yua bơngai đe hrek atol noh Kră Yang 'Bok Kei-Dei hiap pơtê̆ boih, na iĕm 'nĕ kơ pơm 'mê̆-'mach kơ teh đak iĕm mă Kră Yang 'Bok Kei-Dei ăn kơ iĕm jang sa.

Both 27:16

Hiap pơtê̆ bĕ kơ bơngai bu pơdê mĕ 'bă sư! Đĭ-đăng kon pơlei gô khan: A-men!

Both 27:20

Hiap pơtê̆ bĕ kơ bơngai bu 'bĭch hơdai hăm akăn kơnhŏng 'bă sư kơdih; bơngai 'noh pơm pơ'brơh kơ 'bă sư kơdih! Đĭ-đăng kon pơlei gô khan: A-men!