II Sam 18:5 - Sơ̆p Hlabơar Nơ̆r 'Bok Kei-Dei

⁵ pơtao jao pơkă ăn kơ Jôap, Abisai, păng Itai: “Yua kơ inh, iĕm athei pơm kơ kon inh Apsalôm lăp ai.” Đĭ-đăng khŭl linh kơtơ̆ng nơ̆r pơtao pơkă kơ bơngai chĕp kơ̆l, gah Apsalôm.

II Sam 18:5 ပူးပေါင်းရင်းမြစ်များ

II Sam 16:11

Đawit khan dơ̆ng kơ Abisai păng đĭ lu bơngai jang kơ sư: “To, kon inh kơdih, đơ̆ng blu pôih inh pơjing, oei 'maih pơrăm tơdrong arih inh 'mơ̆i; pơma kiơ kơ bơngai Bênjamin 'nâu! Lê̆ sư loh lê̆ sư hiap inh, yua kơ Kră Yang athei sư.

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

II Sam 18:12

Mă-lei bơngai ei khan: “Mă khan ih đei ăn chĕp lăm tơpang ti inh minh-rơbâu hlak jên hu, inh kư̆m ưh kơ pơ̆n pơrăm kon pơtao; yua kơ lu nhôn đei kơtơ̆ng pơtao pơkă pơkăm kơ ih, Abisai păng Itai khan: ‘Iĕm lăng hŏ, 'nĕ ăn bơngai bu pơrăm Apsalôm, kon tơdăm inh.’

II Sam 19:1

Đe năm roi ăn kơ Jôap: “Pơtao nhơ̆m hmoi dêh ơh 'mêm kơ Apsalôm”

Horiso 103:13

Thoi 'bă 'mêm kơ kon hơ'lơ̆p sư dang yơ. Kră Yang 'mêm kơ lu bơngai bu mă hli yom kơ Sư dang noh mơ̆n.

Luka 23:34

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.