II Sam 18:32 - Sơ̆p Hlabơar Nơ̆r 'Bok Kei-Dei

³² Pơtao jet bơngai Kus: “Apsalôm kon tơdăm inh, hăm oei 'lơ̆ng akâu ưh?” Bơngai Kus tơl: “Rŏ kơ lu bơngai ayăt pơtao yŏng tơ'ngla inh, păng đĭ-đăng lu bơngai ayơ ayăt wă pơrăm pơtao; rŏ kơ kư̆m thoi tơdăm noh!”

II Sam 18:32 ပူးပေါင်းရင်းမြစ်များ

II Sam 18:21

Jôap khan kơ linh bơngai Kus: “Năm roi ăn kơ pơtao bĕ tơdrong kiơ ih 'bôh.” Bơngai Kus drap kơkuh kơ Jôap, klaih kơ noh sư năm.

II Sam 18:29

Pơtao jet: “Apsalôm kon tơdăm inh, hăm oei 'lơ̆ng akâu ưh?” Ahimaas tơl: “Lăp Jôap đĭch đam ih, wơh đĭch ih inh âu boih năm, na inh đei 'bôh lơ tơpôl ơ-ôs ơ-as, mă-lei inh ưh kơ băt đei tơdrong kiơ truh.”

Horiso 109:20

Rŏ kơ Kră Yang pơm 'mong thoi noh kơ lu bơngai mă pơm kơnê̆ kơ inh. Păng lu bơngai mă pơma kơnê̆ kơ bơhngol inh.

Da 4:16

Tơplih lê̆ bĕ jơhngơ̆m đon sư, gô ăn kơ sư jơhngơ̆m kon sem brem; păng dĭng truh tơpơh sơnăm.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!