II Sam 18:28 - Sơ̆p Hlabơar Nơ̆r 'Bok Kei-Dei

²⁸ Ahimaas krao hloi pơtao păng khan: “Kơkuh kơ pơtao dôm tơdrong hiôk-hian!” Na sư drap kơkuh 'bơ̆t anăp pơtao păng khan: “Bơnê ư-ang kơ Kră Yang 'Bok Kei-Dei pơtao, yua kơ Sư dŏng pơklaih boih pơtao đơ̆ng lu bơngai blah pơtao yŏng tơ'ngla inh!”

II Sam 18:28 ပူးပေါင်းရင်းမြစ်များ

Bl 14:20

Trŏ kơ bơnê kơkuh tơpă kơ Kră Yang 'Bok Kei-Dei tih hloh đei jao boih lu ayăt tơ lăm ti ih. Đơ̆ng noh Abram iŏk minh lăm mơjĭt đơ̆ng dôm tơmam mă sư iŏk đơ̆ng lu ayăt na pơyơ̆r ăn kơ pơtao noh.c”

Bl 24:27

Păng khan: “Trŏ kơkuh bơnê tơpă kơ Kră Yang, Kră Yang 'Bok Kei-Dei yŏng tơ'ngla inh Abraham! Sư ưh kơ lê̆ tơdrong mơnat păng pơkă tơpăt hăm yŏng tơ'ngla inh! Kơplah inh oei yak, Kră Yang chông ba inh truh tơ hnam 'nhŏng oh yŏng tơ'ngla inh.”

II Sam 1:2

Năr mă pêng đei minh 'nu bơngai đơ̆ng kơđông Sôl, hơbĕn ao sư hiah đĭ, kơ̆l sư 'bĕnh kơ 'mui teh sư năm 'bơ̆t anăp drap kơkuh kơ Đawit.

II Sam 14:4

Bơngai drŏ-kăn pơlei Têkôa năm pơma roi kơ pơtao, sư drap tơ teh kơkuh, na khan: “Kơkuh kơ ih pơtao, apinh ih dŏng inh!”

II Sam 22:27

Kră Yang pơm 'lơ̆ng tơpăt hăm lu bơngai 'lơ̆ng tơpăt. Mă-lei Kră Yang wă phak lu bơngai hơlĕnh pơdăr kiơ̆ kơ tơdrong jang lu sư pơm.

II Ho 20:26

Truh năr mă puăn lu sư akŭm băl tơ lăm Thŭng Bêraka, tơ noh lu sư hơri kơkuh ư-ang kơ Kră Yang; yua kơ thoi noh na đe krao anih noh thŭng Bêraka truh tơ dang ei.

Horiso 115:1

Ưh kơ trŏ kơ lu nhôn, ơ Kră Yang, ưh kơ trŏ kơ lu nhôn. Mă-lei trŏ kơ ư-ang kơ Ih. Yua kơ tơdrong 'mêm mơnat păng tơdrong 'lơ̆ng tơpăt Ih.

Horiso 124:6

Bơnê ư-ang kơ Kră Yang. Sư ưh kơ đei jao lu bơ̆n kơ hơnĕnh lu sư kăp sa.

Horiso 31:8

Ih ưh kơ đei jao inh tơ lu ayăt. Mă-lei ăn kơ jơ̆ng inh dơ̆ng tơ anih rơhơi.

Le 18:10

Na Jêthrô pơma khan: Trŏ bơnê ư-ang kơ Kră Yang tơpă! Tơ'ngla pơklaih boih lu iĕm lĕch hlôi đơ̆ng ti bơngai Êyiptơ păng đơ̆ng ti Pharaôn.

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;

I Sam 24:18

Năr 'nâu, kon tơ'bôh kon iŏk tơdrong 'lơ̆ng pơm hăm 'bă; yua kơ Kră Yang hlôi pơjao boih 'bă lăm tơpang ti kon, mă-lei kon ưh kơ đei pơlôch 'bă,

I Sam 25:23

Abigail 'bôh Đawit, jur hloi đơ̆ng aseh iĕ hăt hot, na drap tơ teh 'bơ̆t anăp Đawit.

I Sam 26:8

Abisai khan kơ Đawit: Năr 'nâu Kră Yang 'Bok Kei-Dei pơjao bơngai ayăt kơ ih lăm tơpang ti ih. Ăn kơ inh iŏk tơju sư 'bet hơtơ̆p sư tơ teh; ưh kơ kăl kơ 'bet pơlơ̆k mă 'bar dơ̆ng.