II Sam 18:27 - Sơ̆p Hlabơar Nơ̆r 'Bok Kei-Dei

²⁷ Linh gak khan: “Inh 'bôh bơngai kơdâu adrol nhen Ahimaas, kon drŏ-nglo 'bok soi Sađŏk.” Pơtao khan: “Noh jơ̆ minh 'nu bơngai 'lơ̆ng, sư boih bơngai ba tơdrong 'lơ̆ng 'nao.”

II Sam 18:27 ပူးပေါင်းရင်းမြစ်များ

II Sam 18:26

linh gak ei 'bôh minh 'nu bơngai nai dơ̆ng kư̆m kơdâu, na krao ôr hloi bơngai răp gak 'măng khan: “To đei dơ̆ng minh 'nu bơngai oei kơdâu!” Pơtao khan: “Sư kư̆m năm roi tơdrong 'nao mơ̆n.”

I Pot 1:42

Kơplah sư oei pơma, blư kơ Jônathan kon 'bok soi Abiathar truh, na Adonija khan: “Mơ̆t tơ âu bĕ, ih boih minh 'nu bơngai đe pơyom sĭt, rŏ lăng ih ba tơdrong 'nao 'lơ̆ng.”

II Pot 9:20

Lĭnh gak roi dơ̆ng khan: “Bơngai mă đe wơh noh sư năm truh tơ ei bơih, mă ưh kơ 'bôh brŏk. To, bơngai hao gre aseh wă năm tơ âu, noh băt Jêhu, kon drŏ-nglo Nimsi bơih, sư hao hrơ̆t aseh nhen thoi blĕk dêh.”

Tơdrông Pơđơk 25:13

Bơngai đe wơh tơnăp hăm yŏng sư Thoi 'mui prĕl rơngơp bơyan yuă 'ba. Yua kơ pơm kơ bơhngol yŏng tơ'ngla sư hiôk.

Tơdrông Pơđơk 25:25

Tơdrong 'nao tơbăt 'lơ̆ng truh đơ̆ng char ataih. Thoi đak rơngơp pơchhơp bơngai rơhing.

Êsai 52:7

Đêl jơ̆ng lu bơngai ba tơdrong 'nao 'lơ̆ng tơ kơpal kông 'lơ̆ng pă băt dang yơ. Lu bơngai roi tơdrong hiôk-hian, tơbăt tơdrong 'nao 'lơ̆ng. Tơbăt tơdrong dŏng pơklaih khan kơ Siôn: “Kră Yang 'Bok Kei-Dei iĕm oei pơgơ̆r.”

Rom 10:15

Kră Yang ưh kơ đei wơh đe năm bơtho, thoi yơ đe gơh năm bơtho adrol? Mă-lei Sư đei wơh đe năm bơtho boih, yua kơ hla bơar Sư đei roi thoi âu: “Bơ̆n 'bôh đe bơtho tơdrong 'nao 'lơ̆ng jơhngơ̆m bơ̆n hiôk dêh iih?”