II Sam 18:24 - Sơ̆p Hlabơar Nơ̆r 'Bok Kei-Dei

²⁴ Pơtao Đawit oei ngôi 'bơ̆t măng jang pơlei tŏk-bŏk 'măng jang lăm păng 'măng jang 'nguaih. Bơngai linh wei gak tŏk tơ kơpal bơbŭng 'măng jang dur pơlei, tơmang tơ ataih lăng 'bôh minh 'nu bơngai oei kơdâu.

II Sam 18:24 ပူးပေါင်းရင်းမြစ်များ

II Sam 13:34

Kơplah noh Apsalôm kơdâu weh boih. Bơngai tơdăm oei gak ngơk tơmang 'bôh đei minh khŭl bơngai tơpôl lơ dêh năm jur, rok kiơ̆ trong tơter kông tơkan tơ Hôrônaim. Bơngai tơdăm gak năm roi ăn kơ pơtao băt: “Ơ pơtao inh 'bôh đei tơpôl bơngai lơ dêh năm jur tơklă tơ Hôrônaim wă năm tơ âu.”

II Sam 18:23

Ahimaas lung dơ̆ng: “Mă đơ̆ng thoi yơ, inh 'maih năm roi,” Jôap khan kơ sư: “Kơdâu năm bĕ.” Lei na Ahimaas kơdâu trong dăr kơthŭng dơnă Krong Jôrđăn păng kơdâu năm ploi adrol kơ bơngai Kus.

II Sam 18:25

Linh gak ôr re roi tơbăt ăn kơ pơtao. Pơtao khan: “Tơdah sư kơdâu minh 'nu, lei trŏ kơ bơngai năm roi tơbăt tơdrong truh.” Lăp sư kơdâu wă jê̆ truh

II Sam 18:4

Pơtao drơ̆ng: “Ơ, inh gô pơm kiơ̆ lu iĕm 'bôh khan 'lơ̆ng.” Na, pơtao dơ̆ng 'bơ̆t 'măng jang pơlei, kơplah khŭl linh lĕch năm kiơ̆ kơ khŭl minh-hrĕng khŭl minh-rơbâu,

II Sam 19:8

Pơtao iung lĕch ngôi 'bơ̆t 'măng jang pơlei. Đĭ-đăng kon pơlei pơla băt khan pơtao ngôi 'bơ̆t 'măng jang pơlei, na pơma dơnuh hăm pơtao. Kơplah noh lu linh Isơrael kơdâu brŏk tơ hnam lu sư kơdih.

I Sam 4:13

Lăp bơngai ei truh, Hêli oei hơ-oei kơpal tang-dŏ sư 'bơ̆t cheng trong, răp gô hăm jơhngơ̆m hli tơtăm; Hêli sư hli tơtăm kơ Hom Pơgơ̆p Kră Yang 'Bok Kei-Dei. Wă bơngai noh mơ̆t lăm pơlei roi, đĭ bơngai lăm pơlei bu bu kư̆m ôr hơdrăi.