II Sam 18:21 - Sơ̆p Hlabơar Nơ̆r 'Bok Kei-Dei

²¹ Jôap khan kơ linh bơngai Kus: “Năm roi ăn kơ pơtao bĕ tơdrong kiơ ih 'bôh.” Bơngai Kus drap kơkuh kơ Jôap, klaih kơ noh sư năm.

II Sam 18:21 ပူးပေါင်းရင်းမြစ်များ

II Sam 18:20

Jôap tơl: “Dang ei ih ưh kơ trŏ kơ bơngai năm roi tơdrong 'nâu ôh, gô năr nai ih gơh năm roi, năr 'nâu ih lê̆ kơ năm roi, yua kơ kon pơtao lôch boih.”

II Sam 18:22

Ahimaas, kon drŏ-nglo 'bok soi Sađŏk pơma lung Jôap dơ̆ng: “Mă đei tơdrong kiơ truh, ăn kơ inh druh kiơ̆ đơ̆ng rŏng đơ̆ng rŏng bơngai Kus.” Jôap khan dơ̆ng: “Ơ kon, yua kơ kiơ kon 'maih năm roi dêh? Tơdrong năm roi tơbăt 'nâu ưh kơ đei apah kon kiơ ôh.”

II Sam 18:23

Ahimaas lung dơ̆ng: “Mă đơ̆ng thoi yơ, inh 'maih năm roi,” Jôap khan kơ sư: “Kơdâu năm bĕ.” Lei na Ahimaas kơdâu trong dăr kơthŭng dơnă Krong Jôrđăn păng kơdâu năm ploi adrol kơ bơngai Kus.

II Sam 18:31

Bơngai Kus truh hloi păng khan: “'Nâu jơ̆ minh tơdrong 'nao tơbăt ăn kơ pơtao păng yŏng tơ'ngla inh. Dang ei Kră Yang 'Bok Kei-Dei hơmet 'lơ̆ng tơpăt ăn kơ pơtao păng dŏng pơklaih pơtao đơ̆ng lu bơngai iung blah ayăt hăm pơtao.”