II Sam 18:19 - Sơ̆p Hlabơar Nơ̆r 'Bok Kei-Dei

¹⁹ Ahimatas, kon drŏ-nglo 'bok soi Sađŏk, khan kơ Jôap: “Apinh ih ăn kơ inh kơdâu roi tơbăt ăn kơ pơtao tơdrong 'nâu, Kră Yang đei hơmet dŏng pơklaih ih đơ̆ng bơngai ayăt kơ ih.”

II Sam 18:19 ပူးပေါင်းရင်းမြစ်များ

II Sam 15:27

Pơtao khan dơ̆ng: “Ih hăm hlôh, ih hăm 'bok soi Abiathar athei wih dơ̆ng tơ pơlei mă hiôk rơnŭk hơdai hăm 'bar 'nu kon drŏ-nglo iĕm, Ahimaas kon drŏ-nglo ih păng Jônathan kon drŏ-nglo Abiathar.

II Sam 15:36

'Bar 'nu bre sư kư̆m đei 'bar 'nu kon drŏ-nglo oei tơ noh, Ahimaas kon drŏ-nglo Sađŏk păng Jônathan, kon drŏ-nglo Abiathar; ih wơh bre sư athei năm roi tơbăt ăn kơ inh dôm tơdrong ih đei kơtơ̆ng.”

II Sam 17:17

Jônathan păng Ahimaas dơ̆ng gô tơ đak glung Ên Rôgel, đei minh 'nu bơngai drŏ-kăn juăt kơ năm roi tơbăt ăn kơ lu sư, na bre sư roi ăn kơ Đawit. Bre sư ưh kơ pơ̆n mơ̆t lăm pơlei hli kơ đe 'bôh.

II Sam 18:20

Jôap tơl: “Dang ei ih ưh kơ trŏ kơ bơngai năm roi tơdrong 'nâu ôh, gô năr nai ih gơh năm roi, năr 'nâu ih lê̆ kơ năm roi, yua kơ kon pơtao lôch boih.”

II Sam 18:23

Ahimaas lung dơ̆ng: “Mă đơ̆ng thoi yơ, inh 'maih năm roi,” Jôap khan kơ sư: “Kơdâu năm bĕ.” Lei na Ahimaas kơdâu trong dăr kơthŭng dơnă Krong Jôrđăn păng kơdâu năm ploi adrol kơ bơngai Kus.

II Sam 18:31

Bơngai Kus truh hloi păng khan: “'Nâu jơ̆ minh tơdrong 'nao tơbăt ăn kơ pơtao păng yŏng tơ'ngla inh. Dang ei Kră Yang 'Bok Kei-Dei hơmet 'lơ̆ng tơpăt ăn kơ pơtao păng dŏng pơklaih pơtao đơ̆ng lu bơngai iung blah ayăt hăm pơtao.”

Horiso 10:14

Kră Yang 'bôh boih, tơdrong răm, pơmat-tat hăm tơdrong gleh, Na ti Ih pơm tơwih kơ lu sư. Lu bơngai răm-'băm jao akâu lu sư tơ Kră Yang; Kră Yang jơ̆ Tơ'ngla tơgŭm lu bơngai mơti.

Horiso 10:18

Wă pơm tơdrong tơpăt kơ lu mơti kơ 'bă păng lu bơngai mă đe pơjuă pơđep. Wă kơ lu kon bơngai mă lĕch đơ̆ng 'mui teh, ưh pă pơm tơhli băl dơ̆ng.

Horiso 7:6

Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Horiso 9:4

Yua kơ Ih wei dŏng păng ăn kơ inh gơh jei; Ih oei tơ kơpal tang-dŏ pơtao sek tơlang tơpăt.

Je 51:31

Bơngai năm roi kơdâu năm tơ'bơ̆p bơngai năm roi. Minh 'nu bơngai năm tơbăt tơ'bơ̆p minh 'nu bơngai tơbăt, Roi tơbăt ăn kơ pơtao Babilôn khan pơlei tih pơtao đe blah iŏk boih.

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”