II Sam 18:18 - Sơ̆p Hlabơar Nơ̆r 'Bok Kei-Dei

¹⁸ Apsalôm kơplah oei arih sư đei man pơdơ̆ng kơ sư minh pôm gơ̆ng tơmo tơ lăm thŭng pơtao; yua kơ sư tơchĕng khan: “Inh ưh kơ đei kon drŏ-nglo wă pơtrơp anăn inh.” Gơ̆ng noh krao kiơ̆ kơ anăn sư; truh kơ dang ei đe oei krao, “Gơ̆ng tơmo Apsalôm.”

II Sam 18:18 ပူးပေါင်းရင်းမြစ်များ

Bl 11:4

Na khan thoi âu: “'Nâu bơ̆n athei pơjing minh pôm pơlei tih păng pơm hnam Thôt tŏk-bŏk pơlei, kơjung truh tơ plĕnh;a bơ̆n athei pơm ư-ang kơ bơ̆n; hli kơ bơ̆n tơklah tơklang tơ jơ̆p-jang kơpal teh đak âu.”

Bl 11:9

Yua kơ noh na đe krao anăn pơlei 'Ba'belc yua kơ tơ anih noh Kră Yang bơlŭ lê̆ nơ̆r pơma kon bơngai lăm teh, đơ̆ng noh boih Sư ăn kơ kon bơngai tơklah tơklang tơ jơ̆p-jang kơ teh đak. Adrĕch adrung Isơrael đơ̆ng Abram truh tơ Jôsep

Bl 14:17

Đơ̆ng rŏng kơ Abram blah Kêtrôlaôme păng khŭl pơtao gah sư jei boih, na pơtao Sôđôm năm đih sơng sư tơ lăm thŭng Sawê, wă khan thŭng pơtao.

II Sam 14:27

Apsalôm pơjing pêng 'nu kon drŏ-nglo păng minh 'nu kon drŏ-kăn, anăn sư Tamar sư bơngai adruh 'lơ̆ng guăng dêh.

Horiso 109:13

Thŭ ăn kơ lu adrĕch adrung sư răm đĭ, Anăn lu sư thŭ sŭt lê̆ tơ chăl đơ̆ng rŏng.

Horiso 49:11

Lu sư tơchĕng khan. Hnam inh gô oei oei ling-lang, Păng anih inh oei oei lăm đĭ jơhnơr. Lu sư kư̆m iŏk anăn lu sư pơm anăn kơ chŭn mir lu sư.

Êsai 22:16

Ih oei tơ âu pơm kiơ? Bu ăn kơ ih oei tơ âu? Mă ih mah sir anih pơm bơsat kơ ih tơ âu? Ih sir bŏk kơ ih minh anih tơ kơpal, sir bŏk anih ih lăm tơmo.

Je 22:30

Kră Yang khan: “Chih jô̆ bĕ bơngai 'nâu hơdai hăm lu bơngai ưh kơ đei hơ'lơ̆p, ưh kơ đei pŭn hiôk jơnap kơplah sư oei arih; Yua kơ lu kon sâu sư ưh kơ đei bu pŭn hiôk jơnap, gơh hơ-oei tơ tang-dŏ pơtao Đawit, păng gơh pơgơ̆r lăm adrĕch Juđa dơ̆ng!”

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Jo 32:42

Nôba năm blah iŏk pơlei tih Kênat hăm lu pơlei iĕ sư na krao hloi anăn pơlei Nôba kiơ̆ kơ anăn sư kơdih.

I Sam 15:12

Pơgê năr đơ̆ng rŏng, sư năm tơ'bơ̆p Sôl, đei bơngai năm roi kơ Samuel: Sôl hlôi năm tơ Karmel boih, pơdơ̆ng tơmo wă tơ'blŏk kơ sư; đơ̆ng noh na wih jur tơ Gilgal.