II Sam 18:17 - Sơ̆p Hlabơar Nơ̆r 'Bok Kei-Dei

¹⁷ Đe iŏk akâu Apsalôm klơ̆m lê̆ tơ lăm sơlŭng jrŭ tơ lăm bri, na dan hơdrom tơmo tơ kơpal sư minh pôi tih. Đĭ-đăng lu linh Isơrael kơdâu ôn brŏk tơ hnam lu sư kơdih.

II Sam 18:17 ပူးပေါင်းရင်းမြစ်များ

II Sam 19:5

Jôap mơ̆t lăm hnam pơtao păng khan: “Năr 'nâu pơtao pơm ăn kơ đĭ-đăng lu đĭch đam ih mơlâu, jơ̆ lu bơngai noh boih mă dŏng pơklaih tơdrong arih pơtao, lu kon drŏ-nglo drŏ-kăn pơtao, hăm dŏng pơklaih đĭ-đăng tơdrong arih lu akăn tơm păng lu akăn kơnhŏng ih hai mơ̆n.

II Sam 19:8

Pơtao iung lĕch ngôi 'bơ̆t 'măng jang pơlei. Đĭ-đăng kon pơlei pơla băt khan pơtao ngôi 'bơ̆t 'măng jang pơlei, na pơma dơnuh hăm pơtao. Kơplah noh lu linh Isơrael kơdâu brŏk tơ hnam lu sư kơdih.

II Sam 19:9

Lăm lu adrĕch adrung Isơrael lu sư pơđâu băl khan: “Pơtao dŏng pơklaih boih lu bơ̆n đơ̆ng ti bơngai ayăt kơ lu bơ̆n, păng sư đei pơklaih lu bơ̆n đơ̆ng ti lu bơngai Philistin. Na dang ei, sư mah kơdâu ôn đơ̆ng dêh char yua kơ Apsalôm.

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Sam 20:22

Na, bơngai drŏ-kăn ei năm tơ'bơ̆p đĭ-đăng kon pơlei păng roi tơbăt tơdrong gơh hơgei sư. Lu sư chơ̆ng kơ̆l Seba, kon drŏ-nglo Bikri klơ̆m ăn kơ Jôap. Jôap hlôm keng hloi; na khŭl linh kơdŭn weh đơ̆ng pơlei păng tơklah lĕch, bu bu brŏk tơ hnam lu sư kơdih. Na Jôap wih brŏk dơ̆ng tơ pơlei Jêrusalem tơbăt ăn kơ pơtao.

II Pot 14:12

Linh đe Isơrael blah lê̆ lu đe Juđa thuơ, rim 'nu lu sư kơdâu ôn, brŏk tơ anih hnam lu sư kơdih.

II Pot 8:21

Yua kơ thoi noh Jêhôram năm tơ Pơlei Sar, anhăk ba đĭ-đăng gre aseh linh sư. Lĭnh Eđôm wang tăp tang kơ lu sư kiơ̆ kơmăng, pơtao păng lu yŏng linh pơgơ̆r lu gre aseh blah drŭt lu bơngai Eđôm, mă-lei lăp lu linh klĕch hlôi đơ̆ng bơngai Eđôm wang, lu sư kơdâu brŏk tơ hnam lu sư kơdih.

Tơdrông Pơđơk 10:7

Tơdrong 'blŏk kơ lu bơngai tơpăt noh pŭn hiôk, Mă-lei anăn lu bơngai kơnê̆ ôm hach.

Both 21:20

Mĕ 'bă gô roi ăn kơ lu kră pơlei khan: 'Nâu kon lu nhôn kơchu păng arăng kơ̆l dêh, ưh kơ mơ̆ng nơ̆r lu nhôn, bơtho khan, jing bơngai thông kư̆ kă, chă et suai ling-lang.

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

Jôsuê 10:27

'Bơ̆t năr wă mơ̆t, Jôsuê athei đe tơjur akâu lu pơtao lôch đơ̆ng 'long na klơ̆m lê̆ lu sư tơ lăm hơgơp tơmo mă đêl lu sư ôn noh, iŏk tơmo tih klơ̆p lê̆ 'măng, truh tơ dang ei oei đei.

Jôsuê 7:26

Lu sư dan lê̆ tơmo, tơ kơpal akâu Akan lôch, hơlôk dang ei oei đei, Kră Yang huay pă hil mĭl, đơ̆ng noh truh tơ dang ei, đe krao anih noh thŭng Akôr.c

Jôsuê 8:29

Jôsuê hrek hơtol lê̆ pơtao Ahi, 'bơ̆t tơm 'long truh kơsơ̆, truh 'năr wă mơ̆t, Jôsuê athei đe tơjur đơ̆ng tơm 'long, klơ̆m hơtat lê̆ 'bơ̆t 'măng jang mơ̆t tơ pơlei, đe dan tơmo kơpal akâu pơtao lôch minh pôi tih oei đei dĭng truh tơ dang ei.

I Sam 4:10

Kon pơlei Philistin năm tơblah, bơngai Isơrael thuơ kơdâu ôn brŏk tơ bơsŭn lu sư kơdih. Noh bơih jĭ minh tơdrong tơblah thuơ tih dêh; pêng-jĭt rơbâu linh trong teh lôch glơch glach.