II Sam 16:8 - Sơ̆p Hlabơar Nơ̆r 'Bok Kei-Dei

⁸ Kră Yang phak e, yua kơ đêl e pơlôch tuh pham lăm adrĕch adrung hnam dơnŏ Sôl. Tơgar iŏk pơm pơtao đơ̆ng Sôl, na dang ei Kră Yang gô pơjao teh đak lăm tơpang ti Apsalôm, kon drŏ-nglo e; păng e gô pŭ tơdrong pơmat-tat, kơlih yua kơ e jơ̆ minh 'nu bơngai pơlôch đe.”

II Sam 16:8 ပူးပေါင်းရင်းမြစ်များ

II Sam 1:16

Đawit khan: “Pham ih tuh plơ̆ kơpal kơ̆l ih! Nơ̆r ih roi kơdih tơdrong noh, yua kơ ih khan: ‘Kơdih inh pơlôch bơngai mă Kră Yang rơih.’ ”

II Sam 19:19

Sư khan kơ pơtao: “Apinh yŏng tơ'ngla inh, 'nĕ kơ jô̆ tơdrong yoch kơnê̆ inh, păng 'nĕ kơ 'blŏk tơdrong đĭch đam ih mă đei pơm yoch boih lăm năr ih yŏng tơ'ngla inh lĕch đơ̆ng pơlei Jêrusalem. Apinh ih 'nĕ pă 'blŏk răk tơdrong noh.

II Sam 19:21

Abisai, kon drŏ-nglo Sêruia, tơl khan: “Simêi ưh kơ trŏ pơlôch sư yua kơ tơdrong noh hă? Sư bơngai hiap pơtê̆ tơ'ngla mă Kră Yang rơih iŏk!”

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

II Sam 21:9

Pơtao pơjao lu sư kơ bơngai Gibeôn. Lu sư hrek hơtol lu đe noh tơ kơpal groi, 'bơ̆t anăp Kră Yang, tơpơh 'nu bơngai noh lôch hơdai minh 'măng. Đe pơlôch lu sư trŏ kơ năr bơyan yuă 'ba blŭng-a, lăp đe 'nao yuă 'ba tơ'bâu.

I Pot 2:8

Kŭm đei, anăn sư Simei kon drŏ-nglo Gêra, bơngai Bênjamin đơ̆ng pơlei Bahurim, sư yua lu nơ̆r kơnê̆ blei hiap 'bă lăm năr mă 'bă truh tơ Mahanaim, mă-lei 'bơ̆t sư jur tơ'bơ̆p inh tơ đak Krong Jôrđăn, na inh yua hăm anăn Kră Yang pơkă pơkăm hăm sư: Inh ưh kơ pơlôch ih hăm đao gưm.

Horiso 3:2

Lơ bơngai khan kơ bơhngol inh: “Kră Yang 'Bok Kei-Dei ưh kơ đei pơklaih sư ôh!” Sêla

Horiso 4:2

Ơ kon bơngai! Tơdrong ư-ang inh, iĕm wă pơjăm dĭng dang yơ? Lu iĕm 'mêm kơ tơdrong kư̆ kă 'maih chă tơdrong hơlĕnh dĭng dang yơ dơ̆ng?

Horiso 55:3

Yua kơ đơ̆ng nơ̆r lu ayăt ôr pơret păng đơ̆ng lu bơngai kơnê̆ pơjuă pơđep inh; Yua kơ lu sư thim tơdrong kơnê̆ tơ inh. Pơmat inh krưp tơpă. Păng druh pơm kơ inh hăm hil blĕk dêh.

Horiso 7:4

Dah inh tơtông iŏk đơ̆ng bơngai mă oei hiôk-hian hăm inh, păng pơm kơnê̆ boih, bu pơm kơnê̆ kơ inh tơdrong ưh kơ đei.

Tơdrông Pơđơk 26:2

Thoi sem rĕch păr tơ âu tơ to, Thoi sem pleng păr juang suang plơ̆ plĕch. Nơ̆r đe hiap tơdrong kơ đei huay kơ truh ôh.

Tơdrông Tơ'bôh 16:6

yua kơ lu sư pơlôch tuh pham lu kon Ih, păng lu bơngai pơtruh nơ̆r Ih, na dang ei Ih pơkăl ăn kơ lu sư huch pham 'noh trŏ tơpă.”

Lu 9:24

Tơdrong kơnê̆ 'nâu wă pơm plơ̆ đêl tơdrong yoch sư pơlôch tơpơh-jĭt 'nu kon drŏ-nglo Jêrup Baal păng pham tuh kơ Abimêlek hăm bơngai mă đêl pơlôch lu 'nhŏng oh sư păng kư̆m tuh kơ lu bơngai pơlei Sichem lu bơngai mă đei tơgŭm Abimêlek mă pơlôch 'nhŏng oh sư kơdih.