II Sam 16:10 - Sơ̆p Hlabơar Nơ̆r 'Bok Kei-Dei

¹⁰ Pơtao tơl khan: “Ơ lu kon drŏ-nglo Sêruia, tơdrong inh 'bơm kiơ kơ lu iĕm? Lê̆ Simêi hiap, tơdah noh đơ̆ng Kră Yang athei hiap inh, na bu pơ̆n jet sư: ‘Yua kơ kiơ ih pơm thoi noh?’ ”

II Sam 16:10 ပူးပေါင်းရင်းမြစ်များ

Bl 50:20

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

II Sam 19:22

Đawit khan: “Ơ lu kon drŏ-nglo yă Sêruia, tơdrong inh 'bơm kiơ kơ lu iĕm, na lu iĕm mă oei wă ayăt kơ inh năr 'nâu? Hăm gơh pơlôch minh 'nu bơngai ayơ lăm teh đak Isơrael năr âu ưh? Inh ưh kơ băt năr 'nâu inh pơm pơtao Isơrael hă?”

II Sam 19:23

Pơtao pơkă hăm Simêi: “Ih ưh kơ đei lôch ôh.”

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

I Pot 2:5

Ih băt mơ̆n tơdrong kiơ Jôap kon drŏ-nglo Sêruia pơm boih kơ 'bă păng pơm boih kơ 'bar 'nu yŏng linh Isơrael, Apner kon drŏ-nglo Nêr păng Amasa kon drŏ-nglo Jêther, sư pơlôch bre noh kơplah rơngei hiôk-hian nhen thoi kơplah oei tơblah wang hrang tơ'bet, pham oei klep 'bơ̆t tơlei tơ̆n sư păng tơ chơkhŏ sư oei 'bot.

II Pot 18:25

Hloh kơ noh dơ̆ng, nhôn năm blah dêh 'nâu, nhôn ưh kơ kiơ̆ thoi nơ̆r Kră Yang athei hă? Kră Yang khan kơ inh: Năm blah dêh âu bĕ păng pơrăm lê̆ sư.”

Jop 9:12

Tơdah Sư tơgar pleh đơ̆ng bu, bu pơ̆n khă Sư? Bu pơ̆n khan kơ Sư, “Ih pơm kiơ thoi noh?”

Horiso 39:9

Inh ngăn ưh pă đei ha 'bơ̆r, Yua kơ Ih pơm tơdrong noh.

Bôk Bơthô 8:4

Mă loi, nơ̆r pơtao pơma đei tơdrong gơh kĕ; hăm đei bu pơ̆n pơma plơ̆ kơ sư khan: Ih pơm kiơ?

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Mathiơ 16:23

Na Yêsu hue lăng tơ Pêtrôs păng khan kơ sư: “Ơ Satan, jăk kơ e mă ataih đơ̆ng âu. Inh wă pơm kiơ̆ kơ 'Bok Kei-Dei mă e pơgăn. E ưh kơ tơchĕng kiơ̆ kơ 'Bok Kei-Dei ôh, e tơchĕng kiơ̆ kơ kon bơngai đĕch.”

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Yo 18:11

Na Yêsu khan kơ Pêtrôs: “Tah lê̆ dao ih tơ anglop bĕ. 'Bă Inh ăn tơdrong anat anot âu truh kơ Inh, trŏ kơ Inh iŏk boih.”

Rom 9:20

Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”

I Pet 2:23

Đe pơma kơnê̆ kơ Sư, Sư ưh kơ pơma kơnê̆ kơ đe; đe pơm pơmat Sư, mă-lei Sư ưh kơ pơma tơwih kơ đe. Sư gô mơ̆ng kơ 'Bok Kei-Dei đĕch, yua kơ Sư băt kơ 'Bok Kei-Dei sek tơlang tơpăt.

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.