II Sam 15:20 - Sơ̆p Hlabơar Nơ̆r 'Bok Kei-Dei

²⁰ Ih oei hăm inh 'nao năr brei, na năr 'nâu ih wă kiơ̆ chă jăk ah. 'Nhŏ kơdih inh kư̆m ưh kơ băt wă năm tơ yơ? Lei ih jah wih bĕ păng chông lu 'nhŏng oh ih. Apinh tơdrong 'mêm mơnat păng tơdrong 'lơ̆ng tơpăt Kră Yang oei hơdai hăm ih!”

II Sam 15:20 ပူးပေါင်းရင်းမြစ်များ

II Sam 2:5

Đawit wơh bơngai năm ngôi hơpong tơ pơlei Jabes lăm tơring Gileat, na khan: “Hơpơi apinh Kră Yang tuh ăn pŭn hiôk kơ lu iĕm, yua kơ lu iĕm pôm đon hăm Sôl yŏng lu iĕm, na iĕm 'bŭ hơmet sư!

II Sam 2:6

Dang ei apinh Kră Yang iŏk tơdrong sĭt 'lơ̆ng tơpăt Sư ăn kơ lu iĕm, gah inh kư̆m bơnê păng pơm 'lơ̆ng kơ lu iĕm, yua kơ lu iĕm đei pơm boih tơdrong noh,

Horiso 25:10

Lu trong Kră Yang 'mêm mơnat păng tơpăt ngăl Ăn kơ bu mă bơwei nơ̆r Sư pơkă păng tơdrong Sư pơgơ̆p.

Horiso 56:8

Kră Yang jô̆ rim yak inh, mă năm mă brŏk;f Ih mong đak măt inh lăm kơhnŏk Ih. Đak măt inh Ih ưh kơ chih lăm sơ̆p hla bơar ih hă?

Horiso 57:3

Sư tơjur ăn đơ̆ng plĕnha tơdrong dŏng pơklaih inh. Sư gô hil chrih kơ lu bơngai pơjuă inh. Sêla Kră Yang 'Bok Kei-Dei gơih ăn tơdrong 'mêm mơnat păng tơdrong tơpăt Sư.

Horiso 59:15

Lu sư chă sa yak tơ âu tơ to; Dah ưh kơ phĭ lu sư grĕnh oei kơtă prăt măng.

Horiso 61:7

Ăn kơ sư pơyơ̆r 'bơ̆t anăp ling-lang hloi.a Apinh Ih ăn tơdrong 'mêm mơnat sĭt, wă kơ wei-lăng sư.

Horiso 61:8

Thoi noh inh gô hơri bơnê kơ anăn ling-lang. Păng rim năr pơm pơkeh dôm tơdrong inh pơkă.

Horiso 85:10

Na tơdrong 'mêm mơnat hăm tơdrong 'lơ̆ng tơpăt tơ'bơ̆p băl; Tơdrong tơpăt hăm tơdrong hiôk-hian tơchŭm băl.

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Tơdrông Pơđơk 14:22

Hăm trŏ kơ lu bơngai wă chă đon pơm kơnê̆ noh gô wơ̆l jrok? Mă-lei đei bơngai pơđâu wă pơm 'lơ̆ng, đe gô mơnat păng jô̆ tơpăt.

Tơdrông Pơđơk 3:3

'Nĕ kơ lê̆ ôh tơdrong 'mêm mơnat păng tơnăp, 'Băk sư tơ hơko ih, chih răk sư tơ lăm jơhngơ̆m ih.

Am 8:12

Lu sư gô năm pơtoi đơ̆ng đak dơsĭ âu dĭng truh tơ đak dơsĭ to, đơ̆ng yă-nơ̆m truh tơ gah hơlĕch; kơdâu tơ âu tơ to wă chă nơ̆r Kră Yang, mă-lei chă ưh kơ đei.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

I Sam 23:13

Đawit hăm lu bơngai kiơ̆ sư, dang tơdrâu-hrĕng 'nu bơngai lu sư iung lĕch đơ̆ng pơlei Kêila păng năm tơ anih ayơ mă gơh oei. Sôl băt kơ Đawit lĕch hlôi boih đơ̆ng Kêila, na ưh pă năm blah dơ̆ng.