II Sam 15:18 - Sơ̆p Hlabơar Nơ̆r 'Bok Kei-Dei

¹⁸ Đĭ-đăng đĭch đam pơtao păng đĭ lu bơngai Kêrêthit, bơngai Phêlêthit, păng tơdrâu-hrĕng bơngai Gitit, mă oei hơdai pơtao đơ̆ng pơlei Gat yak adrol kơ pơtao.

II Sam 15:18 ပူးပေါင်းရင်းမြစ်များ

II Sam 15:17

Pơtao lĕch năm đei kon pơlei pơla kư̆m kiơ̆, lu sư pơdơh 'bơ̆t hnam tuch-luch kơ pơlei.

II Sam 18:2

Đawit gơih khŭl linh sư năm. Klah asong pêng khŭl, ăn kơ Jôap iŏk pơgơ̆r minh khŭl. Abisai, kon Sêruia, oh Jôap iŏk pơgơ̆r minh khŭl; Itai, bơngai Gat iŏk pơgơ̆r minh khŭl, pơtao pơma pơkă hăm khŭl linh khan: “Inh kư̆m gô năm tơblah hơdai hăm lu iĕm.”

II Sam 20:23

Jôap pơgơ̆r đĭ-đăng lu linh Isơrael; Bênaia kon drŏ-nglo Jêhôiada pơm yŏng lu bơngai Kêrêthit păng Pêlêthit;

II Sam 20:7

Abisai pơgơ̆r linh Jôap, khŭl linh sư bơngai Kêrêthit; păng bơngai Phêlêthit păng đĭ-đăng lu bơngai nuih kơtang lĕch dơ̆ng pơlei Jêrusalem, druh 'moi Sêba, kon Bikri.

II Sam 6:10

Thoi noh Đawit ưh kơ wă lê̆ Hom pơgơ̆p Kră Yang tơ hnam sư tơ pơlei Đawit, na athei anhăk ba hloi tơ hnam Ôbêt Eđôm, bơngai Gitit.

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

I Pot 1:38

Thoi noh 'bok soi Sadok, Nathan bơngai khan lê̆ adrol, Bênaia kon drŏ-nglo Jêhôiada păng lu bơngai Kêrêthit, lu bơngai Phêlêthit jur năm hiŏng atŏk Sôlômôn tơ kơpal kơdŭ aseh dăm pơtao Đawit, klaih kơ noh năm ba sư tơ pơlei Gihôn.

I Ho 18:17

Bênaia kon drŏ-nglo Jêhôiada pơgơ̆r lu bơngai Kêrêthit hăm lu Pêlithit; lu kon drŏ-nglo Đawit jing yŏng pơgơ̆r lăm tơdrong jang pơtao.

I Sam 23:13

Đawit hăm lu bơngai kiơ̆ sư, dang tơdrâu-hrĕng 'nu bơngai lu sư iung lĕch đơ̆ng pơlei Kêila păng năm tơ anih ayơ mă gơh oei. Sôl băt kơ Đawit lĕch hlôi boih đơ̆ng Kêila, na ưh pă năm blah dơ̆ng.

I Sam 25:13

Đawit khan kơ lu bơngai kiơ̆ sư: Rim 'nu kơ lu bơ̆n athei tơ̆n đao bơ̆n. Lu sư tơ̆n đao păng Đawit kư̆m tơ̆n đao sư; dang puăn-hrĕng 'nu bơngai năm kiơ̆ Đawit, oei pă 'bar-hrĕng 'nu bơngai oei răp gô wei tơmam.

I Sam 27:3

Đawit păng lu bơngai kiơ̆ sư oei hăm Akis tơ Gat, rim 'nu đei hnam dơnŏ lu sư kơdih. Đawit đei 'bar 'nu akăn kiơ̆, Ahinôam đơ̆ng Jêsreel păng Abigail, mă đêl akăn Nabal oei tơ Karmel.

I Sam 27:4

Sôl băt kơ Đawit ôn tơ Gat, na ưh pă druh chă 'moi wă rôp sư dơ̆ng.

I Sam 30:1

Đawit hăm lu bơngai kiơ̆ sư truh tơ Siklak, lăm năr mă pêng kon pơlei Amalek truh boih tơ gah gơal kơ pơlei Siklak, blah soh pơđĭ pơrăm pơlei noh;

I Sam 30:14

Lu nhôn năm blah tơgar tơ teh goh gơal kon pơlei Kêrêthit, lăm dêh Juđa păng kư̆m năm blah tơgar tơ teh gah gơal kơ Kalep lu nhôn soh pơđĭ Siklak.

I Sam 30:9

Đawit lĕch năm hăm tơdrâu-hrĕng 'nu kiơ̆ sư. Truh 'bơ̆t Thong Bêsôr, lu sư lap, đei 'bar-hrĕng 'nu pơdơh 'bơ̆t noh.