II Sam 15:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai bơ̆jang kơ pơtao tơl khan: “Mă tơdrong pơtao yŏng tơ'ngla lu nhôn wă pơm thoi yơ, lei lu nhôn đĭch đam ih gô pơm kiơ̆ hloi.”

II Sam 15:15 ပူးပေါင်းရင်းမြစ်များ

II Sam 15:14

Đawit khan hloi hăm lu bơngai bơ̆jang oei hăm sư lăm pơlei Jêrusalem, “lu bơ̆n athei jah iung kơdâu weh bĕ. Tơdah ưh, lu bơ̆n ưh kơ đei bu gơh klaih đơ̆ng Apsalôm pơlôch; năm tĕnh bĕ, kơnh sư druh tam lu bơ̆n, pơrăm lu bơ̆n, păng yua đao pơlôch lu bơngai lăm pơlei.”

II Sam 15:16

Lei na, pơtao lĕch năm hơdai hăm đĭ-đăng lăm hnam pơtao; mă-lei pơtao oei lê̆ mơjĭt 'nu akăn kơnhŏng sư wă wei hnam pơtao sư.

II Sam 9:11

Siba drơ̆ng khan: Đĭch đam ih gô pơm kiơ̆ tôm tơdrong đơ̆ng yŏng pơtao inh pơkă khan. Thoi noh Mêphibôset sŏng sa hơdai minh pôm gơ'bang hăm pơtao Đawit thoi minh 'nu kon drŏ-nglo pơtao.

Tơdrông Pơđơk 18:24

Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

I Sam 14:7

Bơngai chĕp tơmam tơblah sư khan: Pơm bĕ tơdrong ih hơpơi, inh gô kiơ̆ ih tơ 'noh.