II Sam 15:14 - Sơ̆p Hlabơar Nơ̆r 'Bok Kei-Dei

¹⁴ Đawit khan hloi hăm lu bơngai bơ̆jang oei hăm sư lăm pơlei Jêrusalem, “lu bơ̆n athei jah iung kơdâu weh bĕ. Tơdah ưh, lu bơ̆n ưh kơ đei bu gơh klaih đơ̆ng Apsalôm pơlôch; năm tĕnh bĕ, kơnh sư druh tam lu bơ̆n, pơrăm lu bơ̆n, păng yua đao pơlôch lu bơngai lăm pơlei.”

II Sam 15:14 ပူးပေါင်းရင်းမြစ်များ

II Sam 12:11

Kră Yang khan: “Inh gô pơm đơ̆ng kơdih hnam dơnŏ ih iung blah pơm kơ ih, 'bơ̆t tơm măt ih; Inh gô rôp lu akăn ih pơjao ăn kơ minh 'nu bơngai jê̆ ih, sư gô pơ'brơh kơ lu akăn ih 'bơ̆t hơdah kơ'năr 'bơ̆t anăp lơ bơngai.

II Sam 15:15

Lu bơngai bơ̆jang kơ pơtao tơl khan: “Mă tơdrong pơtao yŏng tơ'ngla lu nhôn wă pơm thoi yơ, lei lu nhôn đĭch đam ih gô pơm kiơ̆ hloi.”

II Sam 19:10

Na Apsalôm mă lu bơ̆n tuh boih đak pơgang 'bâu phu pôk pơm pơtao lu bơ̆n, dang ei lôch boih. Lei na, dang ei liơ lu bơ̆n ưh kơ pơma pơđâu pơtơm pơtao brŏk?”

II Sam 19:9

Lăm lu adrĕch adrung Isơrael lu sư pơđâu băl khan: “Pơtao dŏng pơklaih boih lu bơ̆n đơ̆ng ti bơngai ayăt kơ lu bơ̆n, păng sư đei pơklaih lu bơ̆n đơ̆ng ti lu bơngai Philistin. Na dang ei, sư mah kơdâu ôn đơ̆ng dêh char yua kơ Apsalôm.

Horiso 51:18

Pơm 'lơ̆ngb bĕ kơ Siôn kiơ̆ thoi tơdrong Ih tơchĕng 'lơ̆ng. Man pơdơ̆ngc bĕ dur Anăp.

Êsêkiên 46:18

Yŏng pơgơ̆r ưh kơ gơh iŏk mŭk tơmam kiơ đơ̆ng kon pơlei, dah pơgŏ tơgar iŏk mŭk tơmam lu sư; sư gô iŏk tơmam sư kơdih na ăn kơ lu kon sâu wă bơ̆jang sa, thoi noh na kon pơlei Inh ưh kơ đei bu đe gơh tơgar iŏk mŭk tơmam đơ̆ng lu sư.

Mathiơ 11:12

Đơ̆ng Yôhan bơtho sơ̆ truh dang ei đei lơ bơngai adrin tơpă wă kơ 'Bok Kei-Dei pơgơ̆r lu sư.

Luka 10:15

Bĭ iĕm ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng lê̆ iĕm truh tơ dơnâu ŭnh sŭng.”