II Sam 15:11 - Sơ̆p Hlabơar Nơ̆r 'Bok Kei-Dei

¹¹ Đei 'bar-hrĕng 'nu bơngai oei tơ pơlei Jêrusalem mă Apsalôm krao pơtơm, năm hơdai hăm sư, lu sư năm hăm đon 'lơ̆ng đĕch ưh kơ băt kiơ gah tơdrong Apsalôm wă pơm kơnê̆.

II Sam 15:11 ပူးပေါင်းရင်းမြစ်များ

Bl 20:5

Hăm trŏ sư đei khan kơ inh thoi âu: ‘Noh oh drŏ-kăn inh.’ Păng akăn sư khan: ‘Noh 'nhŏng inh?’ Inh pơm tơdrong âu hăm jơhngơ̆m tơpăt păng ti rơgoh.”

Tơdrông Pơđơk 14:15

Bơngai kơhlôh 'bôh kiơ̆ đĭ dôm nơ̆r pơma, Mă-lei lu bơngai hơgei oei lăng rim kơnao sư yak.

Tơdrông Pơđơk 22:3

Bơngai hơgei 'bôh đei tơdrong truh kơdâu weh. Bơngai kơwao kư̆ yak truh puh hloi lăm noh.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

I Sam 22:15

Hăm trŏ kơ 'nao năr 'nâu đĕch inh krao khan, apinh Kră Yang 'Bok Kei-Dei ăn kơ sư? Tơpă inh ưh kơ đei pơm thoi noh! Apinh pơtao 'nĕ kơ ngeh minh nơ̆r ayơ ăn kơ đĭch đam pơtao dah ăn kơ bơngai bu lăm hnam 'bă inh; yua kơ bơngai mă đĭch đam pơtao ưh kơ băt kơ tơdrong kiơ, tŏ sĕt dah lơ, gah tơdrong noh.

I Sam 9:13

Mưh mơ̆t lăm pơlei, măr iĕm tơ'bơ̆p sư ngei adrol kơ sư năm tơ groi wă et sa. Kon pơlei ưh kơ et sa ôh adrol kơ sư truh, yua kơ sư gô sơkat ăn pŭn hiôk kơ tơmam soi; đang bơih, na đe năm akŭm ei gơh et sa. Năm bĕ măr iĕm, măr iĕm gô tơ'bơ̆p sư.