II Sam 14:32 - Sơ̆p Hlabơar Nơ̆r 'Bok Kei-Dei

³² Apsalôm tơl sư: “Inh wơh bơngai năm krao ih, năm tơ âu. Inh wă kơ ih năm pơma dơnuh hăm pơtao tơgŭm inh. Inh đơ̆ng dêh Gêsur wih tơ âu wă pơm kiơ? Kơtrơ̆m lê̆ inh oei tơ noh đĕch 'lơ̆ng hloh. Na dang ei, inh 'maih năm lĕch tơ'bơ̆p pơtao; tơdah inh đei tơdrong yoch kơnê̆ kiơ, apinh pơtao jah pơlôch inh bĕ.”

II Sam 14:32 ပူးပေါင်းရင်းမြစ်များ

Bl 3:12

Sư tơl: “Bơngai drŏ-kăn mă Ih ăn kơ sư oei jê̆ inh noh sư ăn kơ inh sa plei 'long noh păng inh đei sa boih.”

II Sam 13:37

Na Apsalôm kơdâu weh, păng năm ôn tơ hnam Thanmai kon drŏ-nglo Amihut, pơtao dêh Gêsur Đawit sơ'ngon kơ kon drŏ-nglo sư ling-lang rim năr.

II Sam 14:31

Jôap iung năm hloi tơ hnam Apsalôm na jet: “Yua kơ kiơ lu đĭch đam ih soh chŭn inh?”

II Sam 3:3

Kon mă 'bar sư Kilêap, đơ̆ng Abigail đêl akăn Nabal bơngai Karmel tơpŭ. Kon mă pêng anăn Apsalôm kon drŏ-nglo Maka kon adruh Thamai, pơtao Gêsur.

Horiso 36:2

'Bơ̆t anăp măt sư pơang kơdih khan: Tơdrong yoch kơnê̆ ưh kơ đei layơ đe băt păng ưh kơ đei bu areh.

Le 14:12

Kơplah oei tơ dêh Êyiptơ lu nhôn đei khan kơ ih bơih. Lê̆ lu nhôn pơm đĭch đam kon pơlei Êyiptơ, chu bơ̆jang ăn lu sư đĕch hiôk hloh kơ wă lôch tơ char glă!”

Le 16:3

Lu bơngai Isơrael khan kơ bre sư: Ô! Kơtrơ̆m lu nhôn jah lôch lăm tơpang ti Kră Yang tơ dêh Êyiptơ đĕch, kơplah oei jê̆ gŏ 'nhĕm păng sŏng sa phĭ! Mă-lei măr iĕm chông ba lu nhôn năm tơ tơmăn glă 'nâu wă kơ lu nhôn lôch đĭ kơ pơngot.

Le 17:3

Kon pơlei oei tơ noh ưh kơ đei đak, rơhing 'maih nhă, na hil jŏk kơ Môis khan: Liơ ih chông ba lu nhôn lĕch đơ̆ng dêh Êyiptơ, wă kơ lu nhôn, kon sâu nhôn păng sem dơrong lôch rơhing kơ đak?

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Mathiơ 25:44

Kơplah noh lu sư kư̆m pơma dŏng kơdih khan: ‘Ơ Kră Yang, layơ nhôn 'bôh Ih pơngot, layơ nhôn 'bôh Ih ol kơ đak, dah bơngai tơmoi, dah kơ'bah kơ hơbĕn ao, dah jĭ jăn păng Ih khan đe tah Ih tơ hnam phak mă nhôn ưh kơ năm ngôi păng tơgŭm?’

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

I Sam 15:13

Samuel năm tơ'bơ̆p Sôl; Sôl kơkuh kơ sư: Hơpơi kơ Kră Yang ăn pŭn hiôk kơ ih! Inh pơm kiơ̆ boih dôm nơ̆r đơ̆ng Kră Yang tơtă.

I Sam 20:8

Apinh ih răk nơ̆r ih pơkă hăm inh đĭch đam ih, yua kơ ih đei pơkă anăn Kră Yang mă pơgơ̆p hăm đĭch đam ih. Dah inh đei yoch kiơ, apinh ih jah pơlôch inh bĕ; ngĕ kơ kiơ ba inh tơ 'bă ih?