II Sam 14:27 - Sơ̆p Hlabơar Nơ̆r 'Bok Kei-Dei

²⁷ Apsalôm pơjing pêng 'nu kon drŏ-nglo păng minh 'nu kon drŏ-kăn, anăn sư Tamar sư bơngai adruh 'lơ̆ng guăng dêh.

II Sam 14:27 ပူးပေါင်းရင်းမြစ်များ

II Sam 11:2

Lăm minh kơsơ̆ ei Đawit iung đơ̆ng tep pơdơh 'năr dơ̆ng sư chă ngôi dăr tơ kơpal bơbŭng hnam pơtao na 'bôh minh 'nu bơngai drŏ-kăn oei hum, bơngai drŏ-kăn ei 'lơ̆ng hơbŏ dêh.

II Sam 13:1

Apsalôm, kon drŏ-nglo Đawit đei minh 'nu oh drŏ-kăn pôm mĕ 'bă, anăn sư Tamar, 'lơ̆ng guăng dêh. Đơ̆ng rŏng kơ noh đunh 'biơ̆, Amnôn kư̆m kon drŏ-nglo Đawit mĕ pha hưch kơ sư.

II Sam 18:18

Apsalôm kơplah oei arih sư đei man pơdơ̆ng kơ sư minh pôm gơ̆ng tơmo tơ lăm thŭng pơtao; yua kơ sư tơchĕng khan: “Inh ưh kơ đei kon drŏ-nglo wă pơtrơp anăn inh.” Gơ̆ng noh krao kiơ̆ kơ anăn sư; truh kơ dang ei đe oei krao, “Gơ̆ng tơmo Apsalôm.”

Êsai 14:22

Kră Yang Tih Hloh khan: “Inh gô iung pơm tơwih kơ lu sư, Inh gô pơrăm sŭt lê̆ anăn pơlei Babilôn păng lu kon pơlei oei oei đei lăm noh, hăm đĭ lu kon sâu lu sư dơ̆ng mơ̆n.” Kră Yang khan thoi noh.

Je 22:30

Kră Yang khan: “Chih jô̆ bĕ bơngai 'nâu hơdai hăm lu bơngai ưh kơ đei hơ'lơ̆p, ưh kơ đei pŭn hiôk jơnap kơplah sư oei arih; Yua kơ lu kon sâu sư ưh kơ đei bu pŭn hiôk jơnap, gơh hơ-oei tơ tang-dŏ pơtao Đawit, păng gơh pơgơ̆r lăm adrĕch Juđa dơ̆ng!”