II Sam 14:25 - Sơ̆p Hlabơar Nơ̆r 'Bok Kei-Dei

²⁵ Kơplah noh lăm đĭ-đăng bơngai Isơrael ưh kơ đei minh 'nu bơngai ayơ đei pơư kơ akâu jăn sư 'lơ̆ng hloh thoi lĕ Apsalôm 'lơ̆ng; iŏk đơ̆ng tơpang jơ̆ng truh tơ kơ̆l, ưh kơ đei lao 'bơ̆t yơ.

II Sam 14:25 ပူးပေါင်းရင်းမြစ်များ

I Pot 1:6

'Bă sư ưh kơ đei wă pơm kơ sư sơ'ngon ôh, hăm nơ̆r jet: “Liơ e pơm thoi noh?” Adonija jơ̆ minh 'nu bơngai 'lơ̆ng hơbŏ dêh, mĕ sư tơpŭ kơ sư đơ̆ng rŏng kơ Apsalôm.

Jop 2:7

Thoi noh Satan weh đơ̆ng anăp Kră Yang, na sư pơm pơmat hloi Jop đei tơ'boch đuh đơ̆ng tơpang jơ̆ng truh tơ kơ̆l.

Tơdrông Pơđơk 31:30

Akâu 'lơ̆ng chă pơrŏ, akâu hơbŏ gô hiong răm, Mă-lei đei drŏ-kăn ayơ băt hli yom kơ Kră Yang noh đe gô bơnê pơyom.

Êsai 1:6

Đơ̆ng tơpang jơ̆ng truh tơ kơpal kơ̆l, ưh kơ đei 'bơ̆t yơ 'lơ̆ng. Tă kơ pơ'ngeh đêl teh păng rơka pham ro, tam mă ôp hăm pơ̆n hơmet păng tam mă pik đak pơgang rơmă ôliwơ mơ̆n.

Êsêkiên 23:15

tơ̆n tơlei tơ̆n tơ kơiĕng păng chô̆ che tơ kơ̆l hyôi hyai, đĭ-đăng lu sư lăng rŏ thoi yŏng linh gre aseh bơngai Babilôn, đơ̆ng char Kalđê

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.

Mathiơ 23:27

“Ơ lu thây bơtho đe Juđê păng lu bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Lăng akâu iĕm rŏ thoi bơsat đe 'nao pơm, mă-lei lăm to đei atâu ôm.

Êphêsô 5:27

Sư pơm thoi noh wă kơ bơ̆n jing bơngai 'lơ̆ng tơpăt gơh oei hơdai hăm Sư. Bơ̆n thoi bơngai pơm akăn mă 'mêm kơ klo sư, na sư hrŭk hơbĕn ao rơgoh 'lơ̆ng ling-lang wă kơ klo sư lăp đon.

Both 28:35

Kră Yang gô ăn kơ iĕm jĭ pơtôch đuh tơ kŭl-tăng păng tơ 'bar pah jơ̆ng jĭ dêh, hơmet ưh kơ gơh klaih, lanh rai să đơ̆ng kơnơl jơ̆ng truh tơ kơpal kơ̆l.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.

I Sam 9:2

Kis đei kon drŏ-nglo, anăn sư Sôl, sư oei tơdăm kư̆m 'lơ̆ng hơbŏ. Lăm bơngai Isơrael ưh kơ đei bu 'lơ̆ng hơbŏ thoi sư; sư bơngai tih kơjung hloh kơ đe.