II Sam 14:20 - Sơ̆p Hlabơar Nơ̆r 'Bok Kei-Dei

²⁰ Jôap, đĭch đam pơtao, pơm thoi noh, wă hơlơ̆ kơ tơdrong truh 'nâu. Mă-lei yŏng tơ'ngla gơh hơgei nhen thoi linh jang 'lơ̆ng Kră Yang 'Bok Kei-Dei băt rơđah đĭ dôm tơdrong kơpal teh âu.

II Sam 14:20 ပူးပေါင်းရင်းမြစ်များ

Bl 3:5

Mă-lei Kră Yang 'Bok Kei-Dei băt layơ măr iĕm sa plei 'long noh, măr iĕm gô hlôh thoi Kră Yang 'Bok Kei-Dei, băt tơdrong 'lơ̆ng păng tơdrong kơnê̆.”a

II Sam 14:17

Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

II Sam 18:13

Tơdah inh pơm kơnê̆ na pơlôch Apsalôm, lei ưh kơ gơh ôn hlơp kơ pơtao; mă ih kư̆m gô dơ̆ng tơ ataih, ưh kơ pơ̆n wă dŏng inh ôh!”

II Sam 19:27

Sư roi hơlĕnh kơ inh hăm ih yŏng tơ'ngla inh; mă-lei pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei. Apinh ih pơm kơ inh kiơ̆ kơ ih tơchĕng trŏ.

II Sam 19:28

Tơpă, lu bơngai lăm adrĕch hnam 'bă inh trŏ kơ pơlôch. Mă-lei pơtao ăn kơ inh gơh song sa hơdai hăm pơtao tơ gơ'bang. Lei na, inh wă đei tơdrong kiơ dơ̆ng gơh pơma hăm pơtao?”

II Sam 5:23

Đawit krao apinh Kră Yang, Sư tơl: “Ih 'nĕ kơ năm tơpăt, mă-lei athei năm wer đơ̆ng rŏng blah lu sư tơklă kơdrơ̆ng 'long hơngo bri.

Tơdrông Pơđơk 26:28

Hơpiĕt hơlĕnh areh lu bơngai sư pơjuă; Mă 'bơ̆r lu sư pơma pơkă wă pơrăm.

Tơdrông Pơđơk 29:5

Bơngai bu hơlĕnh pơhlom kơ rông 'bôt sư, Dăng hơnhuăl dăr kơ jơ̆ng sư kơdih.

I Sam 29:9

Akis tơl nơ̆r Đawit: Inh băt dôm tơdrong noh. Inh lăp đon kơ ih nhen thoi minh 'nu linh jang 'lơ̆ng đơ̆ng Kră Yang 'Bok Kei-Dei; mă-lei lu yŏng pơgơ̆r bơngai Philistin pơkă khan: Sư ưh kơ gơh năm kiơ tơblah hăm lu nhôn.