II Sam 14:17 - Sơ̆p Hlabơar Nơ̆r 'Bok Kei-Dei

¹⁷ Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

II Sam 14:17 ပူးပေါင်းရင်းမြစ်များ

II Sam 14:18

Pơtao khan: “'Nĕ ôn kơ inh tơdrong kiơ inh wă apinh ih.” Bơngai drŏ-kăn khan: “Apinh pơtao yŏng tơ'ngla inh apinh bĕ.”

II Sam 14:20

Jôap, đĭch đam pơtao, pơm thoi noh, wă hơlơ̆ kơ tơdrong truh 'nâu. Mă-lei yŏng tơ'ngla gơh hơgei nhen thoi linh jang 'lơ̆ng Kră Yang 'Bok Kei-Dei băt rơđah đĭ dôm tơdrong kơpal teh âu.

II Sam 19:27

Sư roi hơlĕnh kơ inh hăm ih yŏng tơ'ngla inh; mă-lei pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei. Apinh ih pơm kơ inh kiơ̆ kơ ih tơchĕng trŏ.

II Sam 19:28

Tơpă, lu bơngai lăm adrĕch hnam 'bă inh trŏ kơ pơlôch. Mă-lei pơtao ăn kơ inh gơh song sa hơdai hăm pơtao tơ gơ'bang. Lei na, inh wă đei tơdrong kiơ dơ̆ng gơh pơma hăm pơtao?”

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

Jop 6:30

Hơpiĕt inh hăm lah pơma kiơ hơlĕnh? Inh ưh kơ băt dah inh hơlĕnh hă?”

Tơdrông Pơđơk 27:21

Anih 'buh hu wă rơgoh, tơnuh ŭnh soh maih wă kơ hlăng; Mă-lei đe lăng jơhngơ̆m bơngai thoi đe bơnê kơ sư noh.

Tơdrông Pơđơk 29:5

Bơngai bu hơlĕnh pơhlom kơ rông 'bôt sư, Dăng hơnhuăl dăr kơ jơ̆ng sư kơdih.

Hêbrơ 5:14

Pôm lu bơngai pơm kră đĕch gơh sa tơmam arăng, lu sư pơhrăm đunh boih, lu sư băt kơnăl kơ tơdrong 'lơ̆ng, tơdrong kơnê̆ boih.

Jôsuê 1:17

Lu nhôn chu kiơ̆ ih lăm tôm tơdrong jang, thoi chu kiơ̆ Môis, apinh Kră Yang 'Bok Kei-Dei oei hơdai ih, thoi Kră Yang oei hơdai Môis.

I Sam 29:9

Akis tơl nơ̆r Đawit: Inh băt dôm tơdrong noh. Inh lăp đon kơ ih nhen thoi minh 'nu linh jang 'lơ̆ng đơ̆ng Kră Yang 'Bok Kei-Dei; mă-lei lu yŏng pơgơ̆r bơngai Philistin pơkă khan: Sư ưh kơ gơh năm kiơ tơblah hăm lu nhôn.