II Sam 14:12 - Sơ̆p Hlabơar Nơ̆r 'Bok Kei-Dei

¹² Drŏ-kăn ei khan dơ̆ng: “Apinh pơtao ăn kơ inh đĭch đam ih roi minh nơ̆r kơ pơtao dơ̆ng pơtao khan ‘Ih roi bĕ’ ”

II Sam 14:12 ပူးပေါင်းရင်းမြစ်များ

Bl 18:27

Abraham khan dơ̆ng thoi âu: “Mă khan inh âu 'mui teh đĕch ră, mă-lei inh kư̆m oei nuih pơ̆n pơma hăm Ih.

Bl 18:32

Abraham apinh dơ̆ng: “Apinh Kră Yang 'nĕ hil, inh kơkuh apinh pă minh wơ̆t âu boih: Dah oei đei đăi mơjĭt 'nu, lei Ih tơchĕng thoi yơ?” Kră Yang khan: “Inh kư̆m huay kơ pơlôch pơlei noh ôh, yua kơ mơnat 'mêm kơ mơjĭt 'nu noh.”

Bl 44:18

Juđa năm jê̆ tơ Jôsep păng lung apinh thoi âu: Yua kơ ih pơm tih hơtŏ kơ hơngiĕng Pharaôn, apinh ih mơnat, 'nĕ kơ hil blĕk kơ đĭch đam ih, asong inh pơma minh nơ̆r kơ ih mơ̆ng yŏng tơ'ngla.

II Sam 14:11

Drŏ-kăn ei khan dơ̆ng: “Apinh pơtao krao apinh Kră Yang 'Bok Kei-Dei ih găn wă kơ lu bơngai pơm 'mong huay kơ iung kơting ưh pă pơrăm păng pơlôch kon drŏ-nglo inh.” Pơtao tơl: “Inh pao anăn Kră Yang arih ling-lang na pơkă khan, minh ioi sŏk đơ̆ng kơ̆l kon drŏ-nglo ih gô ưh kơ đei hơlŭng tơ teh!”

II Sam 14:13

Bơngai drŏ-kăn noh khan: Lei liơ pơtao tơchĕng wă pơrăm kon pơlei Kră Yang 'Bok Kei-Dei thoi noh? Wă khan pơtao ưh kơ ăn kon drŏ-nglo pơtao mă jăk tơ nai boih wih brŏk, pơtao pơma thoi noh nhen thoi sek jô̆ kơdih akâu đei tơdrong yoch.

II Sam 20:17

Lăp Jôap truh jê̆, bơngai drŏ-kăn ei jet: “Ih hăm trŏ kơ Jôap yŏng linh ưh?” Sư tơl: “Inh âu boih.” Drŏ-kăn ei pơma dơ̆ng: “Mơ̆ng bĕ nơ̆r đam drŏ-kăn ih.” Sư tơl: “Inh mơ̆ng âu.”

I Pot 2:14

Sư khan: “Inh đei minh tơdrong wă pơma dơnuh hăm ih.” Yă Batsêba tơl: “Ih pơma bĕ.”

Je 12:1

Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Jang 26:1

Na pơtao Agripa khan kơ Pôl: “Dang ei ăn kơ ih gơh pơma dŏng akâu ih kơdih.” Na Pôl yơ̆r ti pơma hloi dŏng kơdih akâu:

I Sam 25:24

Thoi noh sư kŭp kơ̆l 'bơ̆t jơ̆ng na pơma khan thoi âu: Ơ yŏng tơ'ngla, inh glăi, glăi inh! Apinh đĭch đam ih âu gơh pơma roi hăm ih; apinh mơ̆ng bĕ dôm lu nơ̆r đĭch đam ih âu.