II Sam 13:37 - Sơ̆p Hlabơar Nơ̆r 'Bok Kei-Dei

³⁷ Na Apsalôm kơdâu weh, păng năm ôn tơ hnam Thanmai kon drŏ-nglo Amihut, pơtao dêh Gêsur Đawit sơ'ngon kơ kon drŏ-nglo sư ling-lang rim năr.

II Sam 13:37 ပူးပေါင်းရင်းမြစ်များ

II Sam 13:34

Kơplah noh Apsalôm kơdâu weh boih. Bơngai tơdăm oei gak ngơk tơmang 'bôh đei minh khŭl bơngai tơpôl lơ dêh năm jur, rok kiơ̆ trong tơter kông tơkan tơ Hôrônaim. Bơngai tơdăm gak năm roi ăn kơ pơtao băt: “Ơ pơtao inh 'bôh đei tơpôl bơngai lơ dêh năm jur tơklă tơ Hôrônaim wă năm tơ âu.”

II Sam 13:36

'Nao đang kơ Jônadap pơma, na 'bôh lu kon pơtao truh; lu sư nhơ̆m ôr. Pơtao păng đĭ-đăng đĭch đam nhơ̆m hmoi ôr ơh sơ'ngon dêh tơpă.

II Sam 14:13

Bơngai drŏ-kăn noh khan: Lei liơ pơtao tơchĕng wă pơrăm kon pơlei Kră Yang 'Bok Kei-Dei thoi noh? Wă khan pơtao ưh kơ ăn kon drŏ-nglo pơtao mă jăk tơ nai boih wih brŏk, pơtao pơma thoi noh nhen thoi sek jô̆ kơdih akâu đei tơdrong yoch.

II Sam 14:23

Jôap iung hloi, năm truh tơ Gêsur, anhăk Apsalôm wih tơ pơlei Jêrusalem.

II Sam 14:32

Apsalôm tơl sư: “Inh wơh bơngai năm krao ih, năm tơ âu. Inh wă kơ ih năm pơma dơnuh hăm pơtao tơgŭm inh. Inh đơ̆ng dêh Gêsur wih tơ âu wă pơm kiơ? Kơtrơ̆m lê̆ inh oei tơ noh đĕch 'lơ̆ng hloh. Na dang ei, inh 'maih năm lĕch tơ'bơ̆p pơtao; tơdah inh đei tơdrong yoch kơnê̆ kiơ, apinh pơtao jah pơlôch inh bĕ.”

II Sam 15:8

Yua kơ kơplah đĭch đam ih oei tơ Gêsur lăm char Siri, đei krao apinh. ‘Tơdah Kră Yang ăn inh wih tơ pơlei Jêrusalem, lei inh gô năm kơkuh kơ Kră Yang, tơ Hêbrôn.’ ”

II Sam 3:3

Kon mă 'bar sư Kilêap, đơ̆ng Abigail đêl akăn Nabal bơngai Karmel tơpŭ. Kon mă pêng anăn Apsalôm kon drŏ-nglo Maka kon adruh Thamai, pơtao Gêsur.

I Ho 3:2

mă pêng, Apsalôm kon drŏ-nglo mĕ sư Maaka, kon drŏ-kăn Tanmai pơtao dêh Gêsur; mă puăn Ađônija, kon drŏ-nglo mĕ sư Hagit;