II Sam 13:20 - Sơ̆p Hlabơar Nơ̆r 'Bok Kei-Dei

²⁰ Apsalôm; 'nhŏng sư jet: “Hăm trŏ kơ Amnôn, 'nhŏng kơ oh; tơrôp 'bĭch hăm oh ưh? Lei na, ơ oh hreh bĕ, sư 'nhŏng kơ oh 'nĕ pă hiơ̆k kơ tơdrong noh dơ̆ng!” Thoi noh. Tamar oei hơdrô̆ sơ'ngon tơ hnam Apsalôm 'nhŏng sư.

II Sam 13:20 ပူးပေါင်းရင်းမြစ်များ

Bl 34:2

Sichem kon tơdăm pơtao Hamôr, bơngai Hêwit, 'bôh adruh noh, na rôp pơgŏ iŏk 'bĭch hơdai păng pơm kư̆ kă.

Bl 46:15

Păng lu kon drŏ-nglo păng minh 'nu drŏ-kăn anăn Đina, mă Lêa tơpŭ ăn kơ Jakôp kơplah lu sư oei tơ Phadan Aram, hăm lu sâu noh, đĭ-đăng đei pêng-jĭt 'nu.

II Sam 13:19

Tamar klă tơnuh kơpal kơ̆l sư, na hek ao ti tai mă sư oei hrŭk noh. Păng iŏk ti klơ̆p muh măt, nơnăm rah nhơ̆m ôr rah.

II Sam 13:21

Pơtao Đawit hil blĕk dêh kơtơ̆ng dôm tơdrong noh.

II Sam 14:24

Pơtao khan: “Ăn sư brŏk tơ hnam sư kơdih ưh kơ đei năm tơ'bơ̆p pơtao.” Na Apsalôm brŏk tơ hnam sư kơdih ưh kơ đei tơ'bơ̆p pơtao ôh.

Tơdrông Pơđơk 26:24

Bơngai bu hil areh, pơm 'brach gah 'nguaih praih pơrŏ. Lăm jơhngơ̆m hơ-ơ̆m oei răk tơdrong kơnê̆.

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”