II Sam 12:5 - Sơ̆p Hlabơar Nơ̆r 'Bok Kei-Dei

⁵ Đawit blĕk dêh kơ bơngai mơdrŏng noh, păng khan kơ Nathan: “Inh pơkă 'bơ̆t anăp Kră Yang arih ling-lang, bơngai pơm kơnê̆ dêh thoi noh trŏ kơ lôch!

II Sam 12:5 ပူးပေါင်းရင်းမြစ်များ

Bl 38:24

Dang pêng khei đơ̆ng rŏng, đe đei roi dơ̆ng kơ Juđa thoi âu: Tamar, mŏ mai ih pơm adruh đi păng yua kơ thoi noh na sư đei anăp. Juđa khan rôp tơlĕch soh lê̆ sư bĕ.

II Sam 12:4

Lăm minh năr ei, đei minh 'nu bơngai tơmoi truh năm ngôi tơ bơngai mơdrŏng, bơngai mơdrŏng 'mêm kơ triu, rơmo sư ưh kơ wă rôp hơmet 'nhĕm sa ăn kơ tơmoi; 'nao truh noh, na sư rôp iŏk kon triu bơngai dơnuh noh pơm hơmet 'nhĕm sa ăn kơ tơmoi năm ngôi tơ sư noh.”

II Sam 14:8

Pơtao khan kơ bơngai drŏ-kăn: “Huay, ih wih tơ hnam bĕ; inh gô pơm tơdrong âu ăn kơ ih.”

Luka 9:55

Na Yêsu hue tơ rŏng khan kơ bre sư: “Bơ̆n ưh kơ pơm kiơ̆ 'nei ôh.”

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

I Sam 14:39

Inh yua anăn Kră Yang arih ling-lang, dŏng pơklaih Isơrael, inh pơkă khan bơngai bu đei pơm yoch, mă Jônathan, kon drŏ-nglo inh kơdih, kư̆m trŏ kơ lôch! Lăm đĭ-đăng kon pơlei ưh kơ đei bu tơl nơ̆r sư.

I Sam 20:31

Dah kon drŏ-nglo Jese arih sot lăm kơpal teh âu dĭng truh dang yơ, na e păng teh đak e kư̆m ưh kơ đei dang noh mơ̆n; dang ei hloi, chông ba sư tơ inh âu; sư trŏ kơ lôch.

I Sam 26:16

Ih pơm thoi noh ưh pă trŏ boih. Đei anăn Kră Yang mă arih ling-lang pơm kơdranh đĭ-đăng lu iĕm trŏ kơ lôch, yua kơ ưh kơ wei gak yŏng tơ'ngla ih, bơngai mă Kră Yang tuh ăn đak rơmă. Na dang ei ih lăng lăng, tơju pơtao păng get đak 'bơ̆t kơ̆l tơ yơ boih?