II Sam 12:19 - Sơ̆p Hlabơar Nơ̆r 'Bok Kei-Dei

¹⁹ 'Bôh lu đĭch sư pơma mơmơnh băl, pơtao Đawit sư băt kơ nge noh lôch boih, na sư jet: “Hăm trŏ kơ nge noh lôch boih?” Lu sư tơl: “Trŏ boih, nge noh lôch boih.”

II Sam 12:19 ပူးပေါင်းရင်းမြစ်များ

II Sam 12:18

Lăm tơpơh năr nge noh lôch. Lu đĭch đam ưh kơ pơ̆n roi kơ sư băt kơ nge noh lôch; yua kơ lu sư pơma tơduă khan: “Kơplah nge noh oei arih, bơ̆n nŏng kơ pơma pơlung pơtao, pơtao ưh kơ mơ̆ng; na liơ bơ̆n pơ̆n roi kơ sư băt nge noh lôch? Hơmơt kơ sư rai pơm kơ akâu sư!”

II Sam 12:20

Kơplah noh, Đawit iung đơ̆ng teh, hum hơpĕch, pik đak pơgang 'bâu phu tơ akâu sư, hrŭk tơplih hơbĕn ao; sư mơ̆t tơ hnam Kră Yang drap kơkuh, đơ̆ng noh sư wih brŏk tơ hnam pơtao sư dơ̆ng, athei đe hơmet tơmam sŏng sa. Na lăp đe hơmet dang boih sư sŏng sa hloi.

II Sam 13:39

Pơtao hơi 'biơ̆ sơ'ngon kơ Amnôn lôch boih, na pơtao 'blŏk 'maih 'moi kiơ̆ Apsalôm.

I Tes 4:13

Ơ 'nhŏng oh, nhôn roi tơpăt kơ iĕm wă kơ iĕm băt gah lu bơngai lui lôch boih sư gô iung arih dơ̆ng. Apinh iĕm 'nĕ kơ sơ'ngon thoi lu bơngai ưh kơ lui sư khan lôch ưh kơ gơh iung arih dơ̆ng.