II Sam 12:14 - Sơ̆p Hlabơar Nơ̆r 'Bok Kei-Dei

¹⁴ Mă-lei yua kơ tơdrong ih pơjăm ưh kơ lăng boih Kră Yang lăm tơdrong 'nâu, na kon drŏ-nglo mă akăn ih 'nao tơpŭ kơ ih noh gô lôch.”

II Sam 12:14 ပူးပေါင်းရင်းမြစ်များ

II Sam 12:15

Lăp Nathan wih brŏk tơ hnam sư, Kră Yang pơm kơ kon nge mă akăn Uri 'nao rơneh ăn kơ Đawit noh jĭ dêh hloi.

Ne 5:9

Inh khan dơ̆ng: “Tơdrong mă lu iĕm pơm noh ưh kơ 'lơ̆ng ôh hăm trŏ lu iĕm arih sa kiơ̆ trong băt hli yom kơ Kră Yang 'Bok Kei-Dei hli kơ lu bơngai ayăt che bơle hiĕk ăr kơ bơ̆n.

Horiso 69:6

Ơ Kră Yang Tih Hloh 'nĕ ăn kơ lu bơngai chang gô Ih đei mơlâu yua kơ inh. Ơ Kră Yang 'Bok Kei-Dei lu bơngai Isơrael! 'Nĕ ăn kơ lu bơngai mă chă Ih đe pơ'brơh yua kơ inh.

Horiso 74:10

Ơ Kră Yang 'Bok Kei-Dei, lu ayăt gô pơjăm pơjuă Ih dĭng truh dang yơ? Wă lê̆ lu ayăt pơma kơnê̆ kơ anăn Ih ling-lang đĕch hă?

Horiso 94:12

Ơ Kră Yang, pŭn dêh kơ bơngai bu mă Ih đei bơtho pơhrăm, Păng bơtho ăn khôi juăt Ih kơ sư.

Horiso 99:8

Ơ Kră Yang 'Bok Kei-Dei lu nhôn, Ih tơl tơwih boih nơ̆r lu sư, Ih boih Kră Yang 'Bok Kei-Dei mă đei mơnat ăn kơ lu sư, Mă-lei Ih kư̆m pơm tơwih tơdrong yoch đêl lu sư pơm.

Êsai 52:5

Kră Yang khan: “Inh wă pơm kiơ âu? Kon pơlei Inh đe rôp anhăk tơdrong kơđei,” Kră Yang khan: “Lu bơngai pơgơ̆r sư ôr pơklai, pơma kơnê̆ kơ anăn Inh ling-lang prăt năr.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Mathiơ 18:7

Tơpă yơh bơ̆n gô đei tơdrong đe pơhlŭ bơ̆n pơm yoch, mă-lei lu bơngai pơhlŭ bơ̆n noh, ning-mônh 'Bok Kei-Dei gô phak pơmat lu sư kal dêh.

Rom 2:24

Tơdrong noh 'blep thoi sơ̆p hla bơar 'Bok Kei-Dei sơ̆ khan thoi âu: “Lu bơngai tơmoi nai pơjăm 'Bok Kei-Dei yua kơ lu bơngai Juđê ưh kơ kiơ̆ tơdrong juăt 'Bok Kei-Dei pơkă.”

I Kor 11:32

'Bok Kei-Dei ăn kơ bơ̆n đei tơdrong chhŭr nuih thoi noh wă kơ bơ̆n tơbral kơdih tơdrong yoch, na Sư huay kơ phak bơ̆n hơdai lu bơngai ala teh âu ning-mônh.

Hêbrơ 12:6

Yua kơ bơngai bu Sư 'mêm, Sư bơtho pơjĭ bơngai noh, wă kơ dôm lu bơngai wă jing kon Sư, sư gơh răk đon.”

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.